MZP-in Manipur Zofate inkara buaina chhuak pawi ti

# Zofa inkara buaina leh thisen inchhuahna hi engtik lai mahin MZP-in ṭha a ti ngai lo.

Aizawl | March 19, 2025: Mizo Zirlai Pawl (MZP) chuan, Manipur Zofaten hmelma thuhmun an neih lai leh, rorelna hrang (Separate Administration) nei tura hma an lak mek laiin, Hmar leh Zomi inkarah buaina nasa tak a chhuak hi pawi a tiin, vanduaithlâk a ti hle a. Dawhkan pakhat kila inremna thu sawi vat turin Zomi leh Hmar hruaitute a ngen.

Vawiin chhun dar 12 khan MZP General Headquarters Elected OB leh Adviser Meeting neiin, Manipur Zofate inkara buaina chungchang hi an ngaihtuah a ni.

Thuchhuah siamin, "MZP chuan Zofa leh Zofa inkara buaina leh thisen inchhuahna hi engtik lai mahin ṭha a ti ngai lova. Pawm zam harsa a ti hle a ni. Hetiang buaina hian eng thil ṭha mah a thlen loh avangin, inphah hniama, remna thu sawiho vat turin a ngen tak meuh meuh a ni." tiin an tarlang.

Hun lo kal zel turah pawh Zofate chu chengho kan nih avangin, tute pawh thu inbah sual theih a ni a. Hetiang a awm pawhin a hnam anga buaina kalpui leh tipunlun zawng ni lovin, chin fel vat vat dan ngaihtuah turin Zofa hnam hrang hrang hruaitute a ngen a ni.

MZP chuan Zofate inpumkhat a, lungrual taka kan awm theih nan theihtâwp chhuahin hma ala thin a. Zofate inpumkhatna tichhe zawnga hmala lo turin Zofate zawng zawng a ngenin a sawm tak meuh a ni. 

Buaina chu:

Manipur Churachandpur a Hmar leh Zomi te inkara buaina hi March 16 (Pathianni) tlaia mi tu tih hriat loh ten, Hmar Inpui General Secretary Richard Laltanpuia kut an lo thlak avanga intan a ni a. Hmar leh Zomi hnam hruaitute March 17 lamah an inbiak tawh hnuin, nizan khan buaina hi a rawn sosang leh a, Sietmat lamah Hmar mipa pakhatin nunna a chan a. Leh lam lehlamah hliam leh thisen chhuak an awm nual nia hriat a ni bawk. Hnam pahnih inkara buaina vang hian, CCpur district magistrate chuan thuchhuah siamin, buaina a reh theih nana hmalakpui-ah hnam pahnih hruaitute hi a sawm tawh a ni.

• • • • • • 

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ