Aizawl | February 24, 2025: Vawiin khan ZPM General Headquarter chuan party office-ah chhung inkhawm an hmang a, thusawitu Prof. Lalnilawma, Minister, Horticulture, RD etc. chuan, Kan Politics huang chhungah thudik tawk lo hmanga inbeihna a tam hle a, hei hian mipui rilru a hruai khawloh theih avangin sim a that thu a sawi.
Prof. Lalnilawma chuan,“Politics-ah hian thil nihna pel hreta thehdarh hi a tam hle mai a, thenkhat tan chuan tawngkam pangngaia kan sawi pawh hi vauna ang hiala lo thehdarh duhte kan awm thina, politics hi thianghlim takin a khelh theih a, thu belh chian dawllo leh dawt thu thang theh darh lo turin Party tinten rilru kan siam a tul hle mai, chutiang theh darh ching lakah mipuite fimkhur turin kan inchah duh a ni. Sawrkar chuan theih tawp chhuahin ram tana tha tur ngaihtuahin hma a la mek a, Zoram mipuite pawhin he Sorkar thar hi beiseina nen min thlir mek a ni. Chutih laiin mithekhat chuan, ZPM Sawrkarah mipuite beidawng ta viau angin thu an thehdarh mek a, hetianga mipuite rilru hruaipen tumna lakah hian mipuite pawh kan fimkhur angai hle a ni,” a ti. “Kalphung thar mipui Sorkar hian mimal hamthatna aia vantlang mipui hamthatna a ngaipawimawh avangin, mipui nawlpui tana hmasawnna chhenfakawm thlen tumin hma a la zel dawna, mi tlemtein hmasawnna zar an zo chuan a tuartu chu ram leh mipuite an ni, tih kan hriatreng a tul a ni,” a ti.
Pu Nitea chuan,“Tunlai hian Lengpui Airport chungchangah a party ang pawhin beih kan tawk nasa hle a, kan Chief Minister Pu Lalduhoma chuan ‘Ram tana tha tur a nih chuan huaisen takin kan kal dawn a ni’ a tih angin ZPM Ministry hian kan ram tana tha tur thil kan ngaihtuaha huaisen takin hmalam kan pan zel dawn a ni. Horticulture leh RD Department-ah hian a bik takin link road chungchangah dilna kan dawng nasa hle mai a, hun rei tak State kan nih hnuah pawh a tun thlenga link road kan mamawhna a la sang reng mai hi tute mawh nge tih hi zawhna lian tak a ni,” a ti a. “Tunah hian link road engemaw zat siam turin hma kan la a, kum tharah hian hnathawh tan theih kan inbeisei a ni. Kan Chief Minister hian Sapthei hi a ngai pawimawh hle mai a, Ministry lam chuan District pahnihah min pawmpui tawh a, Central in sum min sanction theih hunah District pangaah bultan that leh nan Project kan thehlut mek bawk a ni,”a ti bawk.
Vawiin Party chhung inkhawm hi Pu Sanghnuna Hlawndo, Adviser, ZPM Generral Headquarters in a kaihruia Pu R. Zonunsanga, Adviser, ZPM General Headquarters in hunserh hmangin, party hruaitute an tel tha hle a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: