"MNF hian hnam lungphum nghet tak mai a nei a, tute Party vanga kehchhe ve mai mai thei a ni lo, Martar thisen a silfai Party dik tak kan ni," - Ex Minister K Vanlalauva

Aizawl | Feb 24, 2025: Vawiin ni 24.02.2025 Thawhtanni chawhma dar 11 khan Mizo Hnam Run chhung inkhawm neih a ni a. He huna thusawitu Pu  K Vanlalauva Ex Minister, NCC Member chuan, MNF hian hnam lungphum nghet tak mai a nei a, tute Party vanga kehchhe ve mai mai thei a ni lo, Martar thisen a silfai Party dik tak kan ni, han zuai chang te awm ve thin mahse, Kan hnam lungphum ze nghet tak alo lang a, min rawn kai tho leh thin a ni, a ti.

K Vanlalauva  chuan, MNF tih hi a mawi em em mai a,  Ramneitu kan nihna tichiangtu pawh a nia, Mipuiten beiseina MNF ah hian sang tak  an nei a, Member-te pawhin kan hotute hi thurawn tha tak tak pek a tul thu a sawi bawk a ni. Kan Hnam Lungphum te humhim a nih theih nan tan lak a tul em em a ni, a ti.

Auva  chuan, Pu Laldenga anga mi ropui, Pathianin Zofate min pe kha a vanneihthlak takzet, Pathianin Mizote hi hnam, sakhua leh ram min pe a, hemi humhalh tlat duhna leh hmangaihna thinlung chu Pu Laldenga'n Zofate hnenah a tuh hi a ropui takzet a ni, tiin Pu Laldenga anga hnam tana mi ropui, hnam thinlung mipui hnena hnam rilru tuhtu hi hnam dang pawhin neih ve an duh niin a sawi. Laldenga chu India ram mai ni lo, khawvela Mizo hnam min pholangtu a nih thu sawiin, Khatih hun laia Zofate mai ni loin, thangthar zelte thinlung thleng pawh hian hnam thinlung (nationalism) a tuh a. Sawisel a, ngaihnep tum awm thin mah se; kan finna a sang tulh tulh a, Pu Denga hlutna hi kan hrechiang chho tulh tulh a ni, a ti. A chituh hi uar lehzuala kan puan darh a, kan nunpui zel hi Mizo Hnam tan a pawimawh takzet a ni, a ti bawk.

 Chhung inkhawm hi MNF GHQ Adviser T Lalhmachhuana'n a kaihruai a. MNF Gen Hqrs Adviser K Lalhmangaiha  chuan hunserh a hmang bawk a ni.

• • • • • • 

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ