Aizawl | Jan 21, 2025: Mizoram AAP chuan vawiin chhun khan Aizawl Press Club-ah thuthar thehdarhtute kawmin, "Kuminah hian Board exam hi kum dang zawng zawng aia tih hma a nih tawh laiin LC/ VC inthlan avangin ni 7 lain exam hi sawn hma leh a ni, naupangte tana inbuatsaihna hun a tlem phah hle." an ti a. Inthlan sawn hma a nih laia sawrkarin a ngaihtuah kim lohzia tilang chiangtu leh zirlaite an tawrh theih dan an tarlang bawk.
AAP chuan, "February Ni 12, 2025-a Local council inthlan lo awm turah keini AAP chuan candidate kan nei dawn lo a, inthlanna thianghlim leh ralmuang tak a awm ngei kan duh bawk a ni. Chhan mumal sawi tur awm loa local council inthlan hun sawn hma a ni hi mak kan ti hle sawrkar hian LC inthlan an sawn hma chhan mumal takin mipuite min hrilh rawh se, chhan mumal sawi tur an hre lo a nih chuan mipui zah lohna lian takah keini chuan kan ngai." an ti.
Inthlan sawn hma a nih laia sawrkarin a ngaihtuah kim lohzia tilang chiangtu leh zirlaite an tawrh theih dan APP Mizoram-in an tarlan te:
a) Mizoram puma zirlaite exam pui (Promotion exam) neih thla; Feb-ah inthlan an buatsaih tur hian nasa takin zirna kal tluang lai a su buai a. Mizoram pum nghawng thil anih avangin naupangin an tuar lo thei lo a ni.
b) MBSE hnuaiah HSCLC & HSSLC Board exam inbuatsaih tul avangin leh exam tan hun lai anih dawn avangin zirna in leh zirlaite chungah a chhe zawngin nghawng a neih ngei a rinawm.
c) Heng zirlaite tana hun pawimawh tak nena insubuai zawnga inthlan ngai turah hian zirtirtute election BLO atan ruat an nih thin avangin zirna in leh an enkawl zirlai naupangten an tuar ngei ang tih hi kan sawrkar hian a hmu thiamlo nge a hmu duh lo tih hi kan zawhna a ni.
d) Polling station atan hian veng tinah school hman thin anih vangin zirlai naupang leh zirtirtuten buaina nasa takin an tawk.
e) Kuminah hian Board exam hi kum dang zawng zawng aia tih hma a nih tawh laiin LC/ VC inthlan avangin ni 7 lain exam hi sawn hma leh a ni, naupangte tana inbuatsaihna hun a tlem phah hle.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: