"Silai a puah a, zen rim a nam apiangin Khawvel hmun hrang hrang a Zofaten, Mizo Nationalism kengtu MNF Party an ngai thin,"- MNF Sub Hqrs Lunglei Vice President Chawngthanmawia

Aizawl | Jan 21, 2025: "Silai a puah a, zen rim a nam apiangin Khawvel hmun hrang hrang a Zofaten, Mizo Nationalism kengtu MNF Party an ngai thin,"- MNF Sub Hqrs Lunglei Vice President Chawngthanmawia

Mingo-te hmangin Pathianin he Hnam hi min zawng chhuak a. Kan nih phung kan thlak chhoh mek lai khan Hnam ral thei dinhmunah kan lo ding reng mai a. Chu chu min zawng chhuaktu chunglam remruatnain Pu Laldenga leh a hoten Pathian leh kan ram tan tiin MNF party chu Pathian hming lam chungin an lo din ta a. Sam 20:7 thu "Ṭhenkhatin tawlailîrte an ring a, ṭhenkhatin sakawrte an ring. Keini erawh chuan LALPA kan Pathian hming chu kan lam zâwk ang." tih innghah nan an hmang a. Pathian hnathawh a lo lang a. Khawvel hriatin Mizo Hnam chu phun nghehin a lo awm ta a, martarte thisen chhuak avangin hnam tlemte hi inpumkhatah min siam a. Vawiin ni thlengin Pathianin MNF party leh Mizo Hnam chu min humhim tlat a. silai a puah a, zen rim a nam a piangin Khawvel hmun hrang hrang a Zofaten, Mizo Nationalism kengtu MNF Party an ngai thin. Mizoram hi Zofate Jerusalem, belhtlak a nih reng theih nan hnam inpumkhat ni tur a min phuarkhawmtu MNF te kan lo inbuatsaih chhoh leh a tul ta a nih hi. Chuvangin chhungkua-ah Mizo Nationalism kan tan that leh a tul tak zet ta. MNF party lo indin chhoh leh dan leh thil tumte thangtharte hnenah kan hrilhhriat a, an thinlungah Mizo Nationalism pawimawh zia kan tuh ngheh hi a hun tak zet a ni. Thuthlung kengtu kan ni a, MNF hi party dang nen kan in ang lo. Kan danglam bik tih hi hrerengin Village Council inthlan lo awm turah inpumkhatna tha tak neiin bul I tan thar ang u. Pu Chawngthanmawia VIce President MNF Sub Hqrs Lunglei chuan a ti.

Vawiin 21.1.2025 Thawhlehni khan Pu Chawngthanmawia VIce President MNF Sub Hqrs Lunglei leh a team-te chuan Lunglei North AC a Haulawng tlangdunh khaw hrang hrangte a tlawh a. Zaninah Chhipphir-ah an riak ang.