Women and Child Development (WCD)-in Induction training buatsaih

Aizawl | Jan 21, 2025: Vawiin chawhma dar 11:00 khan Women and Child Development (WCD) Department buatsaihin Child Welfare Committee (CWC), Juvenile Justice Board (JJB) a Chairperson leh Member thar te leh District Child Protection Officer (DCPO) te tan Induction training chu I&PR Conference  Hall-ah buatsaih a ni a. Pu Jimmy Laltlanmawia, Chairperson, Mizoram State Commission for Protection of Child Rights (MSCPCR) chuan khuallian niin a hmanpui.

Pu Jimmy  Laltlanmawia chuan he mipui Sorkarah hian naupang te tan pawh hmun a awm a ni a ti.

Naupangte an lo thanlen a ram leh hnam leh kan khawtlang leh Kohhran tana mi chenfakawm ni tura tanpuia, naupang dan nen a in rem lo leh naupang venhim ngai leh chhanchhuah ngai dinhmun a ding te tan Child Welfare Committee (CWC) leh Juvenile Justice Board (JJB) Chairperson leh member lak thar te chu in tathriama, theih tawp chhuah turin a chah. Pangpar mawi tak te hi an par chhuah hmaa an kuhmum laia ulh tliah an nih chuan an par chhuak dawn lo a, chutiang bawk chuan hmabak eng tak nei naupang te hi  puitling thei lo turah an nun tih chhiat a hlauhawm zia uar taka sawiin naupang tana ṭha ber tur zela CWC leh JJB chuan thluthlukna siam turin a ngen bawk.

2011 chhiarpuiin a tarlan ang in Mizoramah hian naupang kum 18 hnuai lam hi 40% lai an ni a, chungte hmakhua leh an lo thanlen a khua leh tui ṭha ni tura kaihhruai leh venhim chu Mizoram Sorkar chuan a ngaipawimawh hle a ni a ti. Khuallian chuan CMC leh JJB Chairperson leh member te leh District Child Protection Officer (DCPO) zawng zawngte hlawktlak taka training hmang turin duhsakna a hlan.

• • • • • • 

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ