Ruihhlo tawlhtu man chungchanga CYMA thuchhuah

Aizawl | Jan 31, 2025: Ruihhlo tawlhtu man chungchanga CYMA thuchhuah.

Khawchhak lam atanga Mizoram chhunga Ruihhlo No. 4 thawn luttu lian, tunhnaia tum hnih lai Mizoram Tan In atanga tlan chhuak Lalchhanmawii (C. Mawii) kum 44, Khawmawi, Myanmar chu Pawl Kut thla ni 29, 2025 (Thawhlehni) khan Central YMA Kumpuan Duty ten manin, Champhai Police kutah hlan a ni.

Central YMA hnuaia Kumpuan Sub-Committee ten Kumpuan bawhzuina kawnga theihtawp chhuaha ruihhlo do beihpui an thlak meknaah, Mizo Thalaite hraia an nunna hial an chan mekna No. 4 tawlhtu zinga a lian berte zing ami, C. Mawii hi Ruihhlo a rawn thawn luh zui zel dante chhui zuiin man a ni ta a ni.

He hmalaknaah hian Mizoram Police, Excise & Narcotics Department, Sub-Headquarters YMA, Champhai-te leh Burma lama kan Mizo unaute nen thawhhona tha tak neiin, kan thawhpuite chungah Central YMA chuan lawmthu a sawi a ni. Tin, Kumpuan Sub-Committee a kan thawhpuite, nunna hial chan hlauhawm karah Ram leh Hnam tana huai taka an ding tlat hi kan chawimawiin kan fak tak zet a ni.

Mizo Thalaite, chhungkua leh Khawtlang, ram leh hnam anga Ruihhlo laka kan him zel nan YMA chuan Zoram mipuite thawhho puiah a sawm tak zet zet a ni.

YMA vul zel rawh se.

• • • • • • 

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ