Aizawl | Jan 20, 2025: Vawiin chawhma dar 11 khan Govt. Mizo High School a, 20 Battalion NCC, Pipe Band te chuan Director General, National Cadet Corps,New Delhi-ah Defence Minister Rajnath Singh-a hma ah an band display-na hun an hmang.
20 Bn NCC te hi kumin Republic Day parade-ah NCC Directorate 17 atanga 4 thlanchhuah zingah an tel a, band dang pathum- Scindia, Pilani leh Kerala atanga band tel tur te chu Brass Band vek niin, Mizoram chauh hi Pipe Band an ni.
Kumin Pipe Band ah hian cadets 45 telin, band master pathum - miipa pakhat leh hmeichhia pahnih an awm a. An band-ah piper 26, bass drummer 2, tenor drummers 4 leh side drummers 12 an awm bawk.
20 Battalion NCC, Pipe Band te hi nikum July thla tira Shillong-a NCC NER Directorate-a intihsiaknaah khan pahnihna hauhin, hmarchhak state pasarih te zingah anmahni chauh hi Pipe Band awm an ni bawk.
Intihsiaknaah hian, dinhmun sangber hauhtu nilo mahse, an Battalion Adm Officer Lt.Col. Kumud Maini chuan New Delhi-a Republic Day parade a tel tir a tum ruh hle a. NCC ADG Maj. Gen. Gagan Deep chu Pipe Band te an thiam zia a hmin hnuin, Director General NCC, New Delh ami chu pipe band te video an thawn a.
An DG pawh chuan band te thiamna chu lo pawmpuiin, Republic Day parade 2025 a tel turin selection letter chu nikum September thla khan a rawn thawn a ni.
Chief Minister Pu Lalduhoma, Sports and Youth Services Department leh Finance Department te nena tang hovin, Pu Lalduhoma chuan Pipe Band te tan hian nuai 19 a sanction a. Nuai 12 chu an epuipments thar, Delhi atanga leina atana hmangin, a bang nuai 7 chuan an uniform tur, puan chei chu Thenzawl ah an tahtir a, an flags te hi army zaari work siamna awm chhun Punjab state a Malerkotla khua-ah an siamtir bawk a ni.
An uniform design tute hi NCC ADG Maj. Gen. Gagan Deep leh Adm Officer Lt. Col Kumud Maini te an ni.
December ni 27 zinga Delhi an thlen thlak hnu hian, 20 Bn NCC Pipe Band-te hian India Vice President leh Chief of Army Staff, te hma-a an band display lo nei tawhin, India Gate leh National War Memorial-ahte pawh an lo display tawh bawk a ni.
Govt Mizo High School Pipe Band hi kum June ni 26, 2000 a din niin, 20 Bn NCC an zawm/lalut a ni.
Govt Mizo High School Pipe Band te hi kum 2007, 2008, 2009, 2010, 2011, 2012, 2013, 2014, 2015, 2016 leh 2017-ah te khan Republic Day Camp hian an lo kal tawh nia hriat a ni. Tin, 2013 Batch kha DG NCC in thiam a tih em avangin DG RECOMMENDATION a thawn a, hei hian Trophy, Thuziak leh pawisa a keng tel a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: