I RILRU THUNUN TURIN I RILRU SIAM FEL RAWH

Hmalam Hun Atana Inbuatsaihna

By Rick Warren 

— Jan 21, 2025

“Kumkhuain, a tawp thlengin, I thuruatte anga ti tûrin ka thinlung ka thlektir a.” Sam 119:112

Rilrua indo tura inbuatsaih dan lo zir lawkte chu awmze nei takin an nung ṭhin.

I rilru thunun tura i inbuatsaih anih chuan, rilru ṭha lo lakah i him thei ang. Thil harsa deuh mai a awm a, a chhan chu i ngaihtuahna thunun tum thil pathum an awm a ni. 

*I hmelma hmasa ber chu i nun hlui a ni.* Paulan Rom 7:23 ah, “Nimahsela ka taksa pengahte hian dan danglam a awm tih ka hria, chu chuan ka rilru dan a do va, ka taksa pengtea sualna dan awm hnenah chuan salah mi hruai thin a.” 

I thil tih duh miahloh tih chang te i nei ve ṭhin em? Kha tak kha i mihring hlui, sual pu zia leh thil ṭha tih duhna insualna a ni.

*I hmelma pahnihna chu Setana a ni.* Setanan engmah a nawrlui thei lo che a, nimahsela rawtna a nei ṭhin a ni. Chung rawtnate chu awihawmlo khawpa chak anni. Ngaihdan ṭha lo tak takte i rilruah rawn tuh a tum ṭhin a ni. Midang hmangin emaw TV i en aṭang te emaw i ngaihtuahnaah emaw thil ṭha lo tak rawn tuh a tum ṭhin a ni.

*Hmelma pathumna chu khawvel ngaihhlut zawng hi a ni.* Tunlai mite chuan mahni inthununna hi an sawi ṭha duh vak tawh lo. Faknaah te chuan, “Vawiinah chawlh i mamawh,” tih te “I kawng zawh rawh,” tih leh “Engkim hi i tan kan ti” tihte hi anni. Bible in 1 Johana 2:16, “Khawvela thil awm zawng zawng, tisa chakna te, mit chakna te, dam chhung ropuina lem te hi Paa chhuak a ni lo va, khawvela chhuak a ni zawk si a.”

Heng hmelma te nen hian, miteah nguina te, thawpikna te leh hlawhchhamna te a thlen a ni.

He indona hi engtin nge i beih dawn? 2 Korinth 10:3-5 i en chuan: “Tisaah awm mah ila, tisa indo angin kan indo lo va, (keini inralthuamnate chu tisaa mi a ni si lo va, kulhpui nghet takte thiatna tura Pathian zarah thil ti thei tak a ni zawk,) hnialnate leh thil sang tinreng Pathian hriatna dal tura sang taka siamte chu thiatin, ngaihtuahna tinreng Krista thu awihna salah kan hruai a.”

Duhthlanna i kutah a awm. Pathian chuan rilru chauh a pe lo che. Duhna te pawh a pe che a ni. I rilru chuan a ngaithla tur a ni. The Bible chuan, “Kumkhuain, a tawp thlengin, I thuruatte anga ti tûrin ka thinlung ka thlektir a.” Sam 119:112

Ngaihtuah zui atan

* Setana chuan kan vai hian kawng hrang hrangin min thlem vek a ti a. Setana hian i nunah engtin nge ngaihtuahna ṭha lo pu turin a thlem che?

* Engtikah nge zalenna leh hlimna nei turin thlemna aiin Pathian dan leh inkaihhruainate i zawm zawk ang?

* Thlemna i do zawh theihna tura Bible chang i vawn theihna turin eng rahbi nge vawiin hian i rah ang?

*[Lettu: Sangpuia]*