Aizawl | Jan 31, 2025: Lalremsiami Hmar-in Mizo Hockey playerte tan nuai 7 chuang man hu thilpek a hlan.
Lalremsiami Hmar a che class leh tlat - Amah anga Mizo Hockey khel thiam an lo chhuah leh theih nan, hockey zirna tur Stick leh Ball thahnem tak a sem chhuak.
Remsiami hian Hockey Mizoram hnenah a hlan a, district hran hranah sem darh leh a ni.
Ama hma hun chauh ni lo, Mizo tleirawl dangte hma hun a thlirsak a, an inzir theihna tur kawng a dapsak hi a lawmawm - a hlawhtlin hnuah pawh a chhawr chhuahna leh mi harsa zawkte a theihnghilh lo e!
Mizo player-te tana Lalremsiami Hmar sem chhuah Hockey Stick leh Ball kha Rs 7,60,000 man a ni daih...!
Hockey Stick kha a Special khawp mai “Siami #20#” tih a inziak vek, a bik taka siam a ni pha tlat.
A lalut hnem bawk a, a sem chhuak leh ui lo bawk - a nei tam nazawng hian an pe chhuak leh tam chuang lo a nia - Remsiami erawh a danglam leh tlat thin.
India senior team tan vawi 156 a khelh aṭanga goal 41 thun tawh Remsiami chuan, “Eng tham ni lo mah se hockey-in hma a sawn theih ka beisei a, 2036 Olympics thlir chungin hetiang hian ka ti ve a ni,” a ti.
A khelkawm sem hi Flush company-in ama puala a bika an siamsak a, a hming leh a jersey hak ṭhin number 20 an chhu kai vek a ni. A ṭha ber chi ni mah se tunlai hi a man an tihtlawm lai a nih avangin pakhat Rs 3,500-in a lei theih a, ball pakhat Rs 500 man a ni bawk.
Siami thilpek hlut zawng hi Rs nuai 7.6 vel niin, “Ka thil tawn aṭangin hockey-ah Mizoten hun ṭha kan nei hle a, khelmual kan mamawh. Vaiho khelh tur chauha kan ngaih ṭhin kha Mizoten kan thei ve tih ka hre chiang a, thil awlsam erawh a ni lo,” tiin a sawi.
Chawlh hun rei lote a nei zeuh a, hemi karah hian Mizo naupangte chu training a pe zuai zuai bawk a ni, a hun chep tak karah amah thlawptu Mizo te min hrereng e!
#Chhanna_TheAnswer
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: