INTIHSIAKNAA LET A HUN TA

_Beiseina Bulpui_

- Rick Warren

- January 7, 2025

“Intihsiakna tha chu ka bei zo tawh a, ka tlansiakna kawng ka hlen tawh a, rinna chu ka vawng reng tawh a ni. Tunah chuan felna lallukhum chu ka tan dahin a awm tawh a, chu chu Lalpa ngaihtuahtu fel tak chuan chu mi ni-ah chuan mi pe ang; ka hnenah chauh ni lovin, a inlarna ngai apiangte hnenah pawh.” 2 Timothea 4:7-8

Lemchan hmuhnawm tak _Rudy_ ah chuan Daniel “Rudy” Ruettiger chanchin chan a ni a, Notre Dame -a khelh football khelh chu a duhthusam ber a ni, chu college-a luh theihna emaw football thiamna emaw chu a nei der bawk si lo a ni. Nimahsela a tumruhna, taihmakna leh chhelna avangin kum 1975-a an game hnuhnung berah a khel ve thei ta tlat a ni.

Chu lemchan hmuhnawm takah chuan, an ngame hnuhnung ber ni turin an khel dawn a, a khelhpui te chuan “Rudy, Rudy, Rudy!” tiin stadium-a mipui ten an zawm thlengin an au a. Tichuan Rudy chuan a game hnuhnung ber chu ropui takin a thianten a hming lamin auin an thlahsak a ni.

Chu thil chu ropui tak a ni. Nimahsela, intlansiakna i zawh hunah Pathianin vanramah a lo lawm ve dawn che alawm. Chu aia hlu leh ropui chu a awm chuang lo vang. Han ngaituah la, Isuan a lo lawm dawn che, mi thianghlim zawng zawngin an lo lawm dawn bawk che a ni.

Vanramah ropui taka an lo hmuah ve ngei theihna tur chein he leiah tha taka i nun i hman a ngai a ni. Engtikniah emaw chuan Siamtu, Pathian hmaah phur takin ila ding dawn. Chu ni ropui takah chuan Pathian chuan lo chhawn chein, “I hlenchhuak ta! I tlansiakna kawng i zo ta. Kawng zawh sual lovin i rawn thleng a ni. I ti tha e. Chatuanin i lawm tawh ang,” a ti dawn che a ni. 

Chu hun chu Paula pawhin nghakhlel taka thlir chungin, “Intihsiakna tha chu ka bei zo tawh a, ka tlansiakna kawng ka hlen tawh a, rinna chu ka vawng reng tawh a ni. Tunah chuan felna lallukhum chu ka tan dahin a awm tawh a, chu chu Lalpa ngaihtuahtu fel tak chuan chu mi ni-ah chuan mi pe ang; ka hnenah chauh ni lovin, a inlarna ngai apiangte hnenah pawh.” 2 Timothea 4:7

Krista chu thlang tawhin, intihsiakna kawng pawh tha taka zawh tawhin, nimahsela kawng boin emaw kawng zawh sual vang emawin hliamtuar leh chau takin i awm pawh a ni maithei e.

Ni dang nghak suh, intihsiaknaah chuan let leh rawh. Hetianga tawngtai chungin bul tan leh rawh le: “Lalpa, intihsiaknaa tel lova a thlirtu nih reng chu ka duh lo ve. He intihsiakna kawng min pek hi tha taka zawh zo turin ka inpe e. Chatuana nun awm tur leh lawmman ka dawn tur chu ka thlir reng theihnan min pui ang che. Chatuana nun ngaihtuaha hun hman leh ka nun pumpui hi a tha thei ang bera hman ka duh e. Tha taka hmang zo thei turin min pui ang che. Isua hmingin ka dil e. Amen.”

Ngaihtuah zui atan

* Chatuan nun ngaihtuah si lovin midangte lawm leh ngaihsak chauh duhin engtiangtein nge i hun i lo hman thin le?

* I tlansiakna kawng chu tha taka i zawh tawp theihna turin eng kawngah nge inthlak danglam i mamawh?

* Intlansiakna chu zawm ve duhin a kilsirah ila awm a ni maithei e. Pathianin eng nge a dawt lehah ti tura a tih che?  Chutiang chungchang chu sawipui thei tur hnai vai i nei em? 

*Isuaah ila innghat lo vem? Engvangin nge ila nghah cheu?*

Kan vai hian kan sual vek a – mahse Pathian chuan a hmangaihna leh ngaihdamna a lantir a. Bible chuan vanram chu Pathian rinna Fapa, Isua Krista kaltlanga in neih chauhin in lut thei ang a ti a. Vanram chu nangmaha i hlawhchhuah mai theih a ni lo. “Rinna avanga khawngaihnaa chhandam in ni; nangmahni thawhchhuah a ni lo va, Pathian thilpek a ni; thiltih avang a ni lo ve, chutilo chuan miin an chhuang dah ang e.” Ephesi 2:8-9

I sualna te i puang duh aniha, i nunah Isua i thlang duh anih chuan, heti hian tawngtai ang che.

“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a  ni.

“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”

Hetianga i tawngtai a nih chuan, Rick@PastorRick.com ah hian email min lo thawn la. Isua nena zinkawng i zawhtanna atana pawimawh te a thlawnin ka lo thawn ang che.

*[Lettu: Sangpuia]*