TAM TAK SENG TURIN CHI TAM TAK TUH RAWH

_Hnuhma Chhinchhiahtlak Hnutchhiah_

- Rick Warren 

- Dec 08, 2024

_"Amaherawhchu chutiang kawngah chuan theh tlem chuan a at tlem bawk ang a, theh tam chuan a at tam bawk ang. Mi tinin ui chunga pe lovin, pek loh theih loh anga ngaia pe hek lovin, an thinlunga an tum ang zelin pe theuh rawh se; Pathian chuan hlim taka petu a ni a hmangaih ni. Tin, Pathianin khawngaihna tinreng in chungah a vur thei a ni; chutichuan nangnin engkimah a tawk zet nei fovin, hnathawh ṭha tinreng atan in ngah thei ang."_

Thil i pek dawnin hriat tur pahnih a awm, 2 Korinth 9:6-8 ah kan hmu:  _"Amaherawhchu chutiang kawngah chuan theh tlem chuan a at tlem bawk ang a, theh tam chuan a at tam bawk ang. Mi tinin ui chunga pe lovin, pek loh theih loh anga ngaia pe hek lovin, an thinlunga an tum ang zelin pe theuh rawh se; Pathian chuan hlim taka petu a ni a hmangaih ni. Tin, Pathianin khawngaihna tinreng in chungah a vur thei a ni; chutichuan nangnin engkimah a tawk zet nei fovin, hnathawh ṭha tinreng atan in ngah thei ang."_

Rah seng kawnga hriat tur hmasa zawk: I chi ruh rah i seng ang - a ṭha emaw a chhia emaw pawh nise. Heti hian a sawi theih bawk i phun ang ang rah kha i seng ang. Hei hi sum chungchangah a dik hle a, thil engkimah pawh a dik hle.

Sawiselna chi i tuh chuan miten an sawisel ngei ngei ang che. Mi relna chi i tuh chuan, engnge i seng i rin? Miten an relin an sawi chhe ngei ang che. Huatna chi i tuh chuan miten an huat rawn ang che.

Engnge i mamawh tak le? Engpawhnise, pe chhuak la, i hnenah a aia tam a lo let leh ang. Tha tam zawk i mamawh em? I mamawh chuan taksa sawizawiin i tha tam i sen a ngai. Mite pawm/awihzawng nih i duh em? I chuan midangte pawmin ngaina hmasa rawh.

Vaimin chi fang khat i tuh khan vaimim fang khat emi ni i seng? Ni lo. Vaimin kung duah tak mai leh kawm eng emaw zat i seng ang. Theihai mu pakhat i tuh khan thingkung lian takah a lo chang a. Theihai pakhat chauh a rah em? Rah lo. Tam tak a lo rah ṭhin. I pek chhuah aia tam i dawng ziah ṭhin.

I hriat tur pahnihna chu a chi tuh leh a rah seng inkar hi a rei ṭhin tih hriat tur. Vaimin chi i tuh khan a tukah vaimim kawm ṭha tak seng tur a rawn awm nghal lo. Sik leh sa hun bi (season) khata i tuh kha hun bi dangah i seng ṭhin. Chu chu thilpek kawngah pawh a ni. Midang hnenah i pe a, Pathian hnenah i pe bawk a. I nunna midang tan i pe a, mahse a tuk maiah a rah i seng lo. A rah seng hun a thlen hmain nghah hun a awm ve bawk. Engvangin?  A chhan chu a tuh hun leh rah seng hun inkarah Pathianin i rinna a fiah vang a ni.

I tuha i nghah hun chhungin "engkimah a tawk zet  nei fovin, hnathawh ṭha tinreng atan in ngah thei ang" a tih angin Pathianin khawngaihna a lantir tih in hre thei ang.

Heng pahnihte hi hriat reng tur a ni: a hmasa zawkah chuan, i tuh apiang i seng; a dawtah chuan, hun bi pakhata i tuh kha hun bi danga seng turin i nghah a ngai ṭhin. Heng hi zir la, i nunah a takin hmang rawh - tichuan thilpek kawngah lawmna nasa tak i chhar chhuak ang.

Ngaihtuah zui atan.

Engtinnge chi tam tak i tuh ang? Eng kawngah te nge tlemte i tuh?

A rah i seng hun hmain eng thilin nge Pathiana i rinna tichhe ṭhin?

A chi i tih zawha a seng hun i ngah laiin engnge i lo tih theih?

[Lettu: Mapuia Fanai]