Zudio LPS Pro Fight 2024
Zan 27-na December 6, 2024 (Zirtawpni) - Bout 5 @ LPS Arena, Falkland
TITLE FIGHT
Khuallian: Pu Zothantluanga, Zudio Store
Thusawi: LPS Vision thawhpui Star India Marketing Manager Pu Lalthakima Pachuau chuan 'Mizote hi hnam huaisen kan ni a, he kan huaisenna Olympic medal la thei khawpa tuai thar leh turin' infiammite a chah.
LPS Youth Icon star J Lalrosanga'n 'Teuh lo Mai' ti hla sain mipui pung khawm a awi.
WELTERWEIGHT
Lallawmawma (Tuipui) bt Lalruatzela Hauzel (Mission Veng, title holder)
= Unanimous Decision (40-36, 39-37, 39-37)
* Pro Fight-a a tel vawi khatnaah National Games silver medal awrh tawh Lawma a champion a, hnek hun a hriain a thlawn tlem a, a hman thiam a vei lama hnek bakah a ding lamin hna a thawk tha hle bawk. Thiamna kawngah chungnungin title a lak thlengin derthawng lovin a bitum a hneh vek a, Tuipui boxer zinga Pro Fight-a champion thei pangana niin Laldinmawia, HC Johnkenty Vanhlimpuia, Laldingliana leh Lalrinngheta hnung a zui. 2023 welterweight champion Ruatzela'n a vawi khat nan title humhim a tumna a puitling zo lo va, hnek fuh a harsat tluan a, a chak loh danah chhuanlam a nei lo. Chutih rualin a thinlungah a la champion reng a, kum tharah hriam zawkin champion kawnghren nei let leh turin a kir leh dawn tih a sawi.
LIGHTWEIGHT
Lalkhawngaiha (Venghlui) bt C Lalhruaitluanga (Cherhlun)
= Unanimous Decision (40-36, 39-37, 40-36)
* Pro Fight-a a tel vawi khatnaah kum 18 mi Khawngaiha a champion a, a khelh apiangah hma a sawn tih lantirin amah aia tharum ngah lakah awmze neiin a hnek chhuak. Lehlamin a kut a chhuah hmasak hnuah dik tak takin a chhang let a, langsar taka a chak rualin GIG Motors Fighter of the Night-a thlan a ni a, KT Enterprise Promising Boxer-a thlan a ni bawk. Nikumah HC Lalremfela hneh teuh hle chungin Hruaia a tlawm tawh a, rin hlawh zawk ni chungin lightweight title fight-ah a tlawm nawn leh a, Cherhlun tlangval hian hriatthiam har a tiin a hnuk a ulh nasa a, inven lamah harsatna tawkin a khelh that loh tum a ni tel bawk.
FLYWEIGHT
Lalrinngheta (Tuipui) bt Vanlalenkawltira (Dinthar Champhai)
= Unanimous Decision (39-37, 39-37, 39-37)
* Kum thum chhungin weight hrang pathumah Rinngheta'n a khel a, a vawi hnih nan a champion. Tuipui boxer zinga vawi khat aia tam Pro Fight title la thei pahnihna leh weight hrang pahniha champion thei pahnihna a ni nghal a, weight hrang pahnih atanga vawi nga champion tawh HC Johnkenty Vanhlimpuia erawh a la pha lo deuh. Rang leh dik taka a hnek bakah thiam taka a inven theih avangin phu takin a chak a, 2022 khan bantam-ah champion tawhin 2023-ah light-ah a insawn a, a thleng sang tawk lo. July 26 khan a hmun ngaiah Enkawla nen intawng tawhin LPS Fight Night professional boxing-ah chak zawk awm lovin an inhnehtawk a, tun tumah hian boxer tha zawk a ni tih a lantir tih a sawi. Dinthar Champhai boxer Enkawla'n a hnek fuh thei mang lo va, nikum khan NT Lalbiakkima hneh lovin flyweight title fight-ah a chak lo tawh a, a nuam tih ber boxing khelh a nih avangin engtik niah emaw cham a la champion ve ngei ang tih a sawi.
MIDDLEWEIGHT
F Lalthanliana Jr (Electric Veng Lunglei) bt C Lalhruaitluanga (Chawngtlai, title Holder)
= Majority Decsion (38-38, 39-37, 39-37)
* Thanliana'n kum kal taa a tlawmna chhang letin inhnek fuh tlemna inkhelah tum dang ang lo takin a chak a, a ngila a vei leh ding a chhuah zawn leh lehlam taksa a hneksak thin hmangin round hmasa pathumah a dinhmun a siam a, a vawi khat nan Pro Fight-ah a champion. 2023 kha Pro Fight-a a tel hmasak ber niin a tlangnel tawk lo va, title fight-ah Hruaia a ngam lo a, kuminah hma a sawn. Chawngtlai boxer nen an intawn nawn leh hmain a tawp lam round hnihah thahrui fei leh tharum ngah a nihna a chhawr a, harsa takin John Lalruatsanga leh 2019 middleweight champion C Lalduhawm a hneh zawn a ni. Hruaia'n title humhim a tumna kawngah ruahmanna a nei fuh tawk lo ve thung a, round hnuhnung berah hneh taka nawrin a hnek tam zawk hle a, mahse, a tir round thumah lang tham khawpin a hnek lo va, chu chuan pawt hniamin 2022 welter champion hian Pro Fight-a vawi thum champion a tumna a puitlin zo ta lo a ni.
BANTAMWEIGHT
Laldinsanga (Ramthar Lunglei, title Holder) bt Omega Lalramdina (East Kulikawn)
= Unanimous Decision (39-37, 39-37, 39-37)
* WBC Youth bantamweight champion thar Dinsanga'n round li an inbeih chhungin inhnek a thunun zo bik lo va, chet harsat hle chungin hnek chhuak hnem leh thiamna nei a nihna erawh a lantir thei. Ramthar Lunglei boxer hi champion lai zinga title humhim awm chhun niin vawi thum a zawnin KT Enterprise Best Boxer-a thlan a ni a, vawi thum champion thei 10-na niin a tel hmasak ber 2022 khan fly title a hnek chhuak a, Pro Fight-a a inhnek tawhah a la chak vek a ni. Title Fight-a a inlan hmasak berah Kulikawn boxer Ramdina'n tlangnel takin boruak nei lian Dinsanga a hmachhawn a, a thiamna tha taka hmangin tawlh kual chungin thui takin a hnek a, hnaih rei duh lovin a chhaih buai. Mahse, kawng hrang hrangah a hnufum hret a, a la thiam tawk lo tih pawmin tha zawka kir leh a tum tih a sawi a, champion zo lo zinga mittlung ber chawimawina KT Enterprise Best Challenger trophy leh Rs 10,000 a dawng.
GIG Motors Fighter of the Night (Rs 4,000)
- Lalkhawngaiha (Venghlui)
Astoneaone Fan of the Night
- Zoremsiama (Kulikawn) & Lalsangzuali (Bawngkawn)
MI MAL CHAWIMAWINA
KT Enterprise Best Boxer (Panasonic Refrigerator & Trophy)
- Laldinsanga (Ramthar Lunglei)
KT Enterprise Promising Boxer (Trophy & Rs 10,000)
- Lalkhawngaiha (Venghlui)
KT Enterprise Best Challenger (Trophy & Rs 10,000)
- Omega Lalramdina (Kulikawn)
KT Enterprise Best Referee (Trophy & Rs 7,500)
- Malsawmtluanga (Ramhlun North)
KT Enterprise Best Judge (Trophy & Rs 7,500)
- Lalmalsawma (Hnahthial)
LPS PRO FIGHT CHAMPION TAWHTE :
LIGHTFLY/FLY
2009 - Laldinsanga (Khatla)
2010 - ZD Lalchhuanawma (Lunglei)
2011 - Laldinmawia (Tuipui)
2014 - NT Lalbiakkima (New Siaha)
2015 - NT Lalbiakkima (New Siaha)
2016 - NT Lalbiakkima (New Siaha)
2017 - NT Lalbiakkima (New Siaha)
2019 - NT Lalbiakkima (New Siaha)
2022 - Laldinsanga (Ramthar Lunglei)
2023 - NT Lalbiakkima (New Siaha)
2024 - Lalrinngheta (Tuipui)
BANTAM
2009 - Vanlalhruaia (Khawkawn)
2010 - Lalnunhlua (Chaltlang Lily Veng)
2011 - Michael Zodinpuia (Ramhlun Venglai)
2014 - Lalnunhlua (Chaltlang Lily Veng)
2015 - HC Lalramfela (Chawngtlai)
2016 - Zonuntluanga (Dinthar)
2017 - Zonuntluanga (Dinthar)
2019 - Laldingliana (Tuipui)
2022 - Lalrinngheta (Tuipui)
2023 - Laldinsanga (Ramthar Lunglei)
2024 - Laldinsanga (Ramthar Lunglei)
LIGHT
2009 - Lalmuanpuia (Ramthar)
2010 - Anthony Lalduhawma (Govt Complex)
2011 - Anthony Lalduhawma (Govt Complex)
2014 - Lalmuanpuia (Ramthar)
2015 - Lalmuanpuia (Ramthar)
2016 - Anthony Lalduhawma (Govt Complex)
2017 - Lalrinawma (Govt Complex)
2019 - Lalrinawma (Govt Complex)
2022 - Vanlalawmpuia (Khuangthing)
2023 - HC Lalramfela (Chawngtlai)
2024 - Lalkhawngaiha (Venghlui)
MIDDLE
2010 - Zarzoliana (Sawleng)
2011 - Zarzoliana (Sawleng)
2014 - HC Johnkenty Vanhlimpuia (Tuipui)
2015 - HC Johnkenty Vanhlimpuia (Tuipui)
2016 - Zarzoliana (Sawleng)
2017 - Zarzoliana (Sawleng)
2019 - C Lalduhawma (Ramhlun South)
2023 - C Lalhruaitluanga (Chawngtlai)
2024 - F Lalthanliana Junior (Electric Veng Lunglei)
LIGHTHEAVY
2009 - Abel Lalawmawia (Serchhip)
2010 - Abel Lalawmawia (Serchhip)
2011 - Abel Lalawmawia (Serchhip)
2014 - Abel Lalawmawia (Serchhip)
2015 - PC Lalmuankima (Saron Veng)
2016 - HC Johnkenty Vanhlimpuia (Tuipui)
2017 - HC Johnkenty Vanhlimpuia (Tuipui)
2019 - HC Johnkenty Vanhlimpuia (Tuipui)
FEATHER
2022 - Lalrosangzuala (Chaltlang)
WELTER
2022 - C Lalhruaitluanga (Chawngtlai)
2023 - Lalruatzela Hauzel (Mission Veng)
2024 - Lallawmawma (Tuipui)
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: