RILRUA PEIH CHIN BAKA RINNA CHU

_Hnuhma Chhinchhiahtlak Hnutchhiah_

By Rick Warren 

— Dec 11, 2024

“Rinnain lal thinurna chu hlau lovin Aigupta ram a kalsan a, hmuh theih lova chu a hmuh avangin a tuar tan tan a ni.” Hebrai 11:27

Tunlaia kan rilru puthmang chu hetiang hi a ni tlangpui tawh: kan duh emaw duh lo emaw a that hmel em mai ti ve mai rawh tih hi.

Heng thilah hi chuan kan rilrua awmdan angin kan kal tlangpui thin a ni. Nimahsela Pathian chuan nun danglama nung turin a duh che a ni. I rilrua a lan dan mai ni lovin, rinnain i nun chu hruaise a duh che a. Puitlinna kawnga thang turin a duh che a ni. 

Thil tha tih hi kan rilruah a awm reng lo. Nangmah ka hre lo che a, mi chunga that chhuah reng pawh hi ka rilruah a awm reng bik lo. Mi dang ka puih thin pawh hi tihtawp ka tum hran chuang lova. Ka nuna Pathian thiltum pawh ka awih reng thei thin lo a ni. 

Nimahsela ringtu kan nihna anga kan tum chu rilrua suangtuah baka rinna neih hi a ni. I phur vak loh chang pawh a, Pathian nen hun i hman thin chuan inlaichinna in nei thuk zel ang.

Olympic beitu infiammi ang hi in ni, anni pawhin an phur emaw phur lo emaw, an chauh deuh pawhin an inzir reng mai a ni. Chutiang chiah chu Pathian nena in inlaichinna pawh a ni.

Pathian nena fianrial hun hmang thinte pawh hian an phur reng avanga ti an ni bik lo. An phur loh chang te pawhin, an thova Bible an chhiara an tawngtai tho thin a ni. 

Rinna chu tih hram hramna hi a ni. Rinna chu i peih loh leh i nawmsam loh deuh pawha tawpsan lo tura thutlukna siam hi a ni.

Mosia hmangin, Bible-in tih hram hram a ngaihzia min entira, “Rinnain lal thinurna chu hlau lovin Aigupta ram a kalsan a, hmuh theih lova chu a hmuh avangin a tuar tan tan a ni.” Hebrai 11:27

Chu chu i tih tur a ni. Tih hram hram dan chu a ni. Chutiang chuan i thanglian ang a. I peih loh deuh pawhin thil tha ti turin thutlukna i siam thin tur a ni. Rinna chuan a  kaihhruai theihna tur chein i rilru siam rawh. 

Puitlinna chu i rilru landan ang ni lova, i inpekna ang zela thutlukna i siamna hi a ni. Chutah chuan rinna chu a thanglian tak tak ang.

 

Ngaihtuah zui atan

* Rilrua lan dan anga ke i pen hian hlauhawm engnge awm?

* Tu nge mi puitling leh rinna kawnga bei hram hram hriat i neih? An nun atang chuan engnge zirchhuah i neih?

* Engtikah khan nge i rilrua thawk aiin i rinna i lo dah pawimawh tawh? Chuta tang chuan engnge zirchhuah i neih?  

[Lettu: Sangpuia]