Aizawl | Nov 20, 2024: Ni 19th, November, 2024 (Thawhleh) zan khan Local Council House, Saron vengah Aizawl East II MNF Block buatsaihin party intawhkhawmna huaihawt a ni a, Dr.R.Lalthangliana, Senior Vice President, MNF chuan a hmanpui.
Dr.R.Lalthangliana chuan ZPM chu political party hrang hrang atanga tlan tau kalkhawm leh NGO thenkhat awm khawm, politics-a tawn hriat nei lo, Chief Minister leh an Minister-te pawh experience nei lo an nih thu a sawi a. Opposition an nih laiin tha ber tur leh danglam bik em em tur angin an insawi nasa a, sorkarna dawhkan an kil meuh chuan an rin ang ngawtin thil tih a lo awlsam si lo a, a harsatzia thu sawiin an beidawng tan hle a ni, a ti.
Mipui thinlungah ZPM sokar enchhin chu a fuh lohzia a lang mek a. Chhiah chi hrang hrang tipungin, oil man an tisang a, ration buhfai card vara late tan a let thawkin an tipung a. Hengte hian thil man 'rate' chi hrang hrang a tihsan phah a, mi rethei zawkte sum lakluh a pung ve si lo a, khawsak harsa zawkte tan ZPM sokar thar kal dan hi phurrit a ni, a ti.
Dr.R.Lalthangliana chuan Sinlung Hills lam atangin Mizoramah politics-a harh tharna a thlen mek thusawiin, nakkum lawkah VC/LC, AMC leh inthlan hrang hrang kan hmachhawn turah ZPM sokara beidawng mekte hian Mizo hnam party MNF lam hawiin, MNF chu Pathian leh mipui zarah kan tling chho zel dawn a ti.
MNF Senior Vice President chuan party worker-te chu Pathian malsawm tlaka taima leh rinawm turin a fuih a, kan ram tlu chhe mek tung ding leh turin MNF party bak inghahna tlak a awm loh thute sawiin, Pathian kan chungah a lawm phawt chuan ram rorelna hi kan kutah a awm leh thuai dawn a ni, a ti bawk.
He hun hi Pu Lalrohlua President, East II Block MNF chuan a kaihruai a, Pu Chuauhluna Chairman, Local Council Saron veng chuan hunserh a hmang.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: