ZIR LO VIN THIL ṬHENKHAT I HRE THEI

_Tihnghin rual loh!_

by Rick Warren 

— Nov 5, 2024

“Tin, nang a fapa, aw Belsazzar, hêng zawng zawng hi i hre na a, i rilru i tihniam lo va.” Daniela 5:22

Pathian chuan i thil zirsa i hman chhuah phawt loh chuan thil thar a zirtir lo vang che.

I thil zir chakna avang ringawt khan Pathianin thil thar a zirtir lo vang che. Thil a hrilh che chu i zawm theih nan a nghak che a ni. I zir chu i hman chhuah hunah chauh thil tharah a kaipui ang che.

Pathian chuan thutak i zir chu nunpui turin a duh che a, chu i thil zir chu i hman hma chu thil dang a zirtir lo vang che.

Bible thu i ring tih hi mi dang hrilh tawh a awm thei lo e. Bible-in a zirtirna che ang chuan i khawsa tur a ni. Bible-in a zirtir che anga i khawsa lo a nih chuan, Bible i ring lo tihna a ni ang.

Chutiang chiah chu Daniela lehkhabua Belsazzara nunah kan hmu a ni. Pathianin a zirtir chu a hmanchhuah loh avangin engkim a chan vek a ni.

Bible-a kan hmuh angin Danielan heti hian a sawi, “Tin, nang a fapa, aw Belsazzar, hêng zawng zawng hi i hre na a, i rilru i tihniam lo va.” (Daniel 5:22).

Belsazzara chuan Nebukadnezaran chapona avangin kum 7 chhung a rilru a buai a ni a ti. A pu thiltihsual zawng zawngte pawh a hmu a . A pu chu lo let lehin a thiltihsualah a insiam ṭha tih a hmu bawk. Nebukadnezzara nunah thil ṭha leh ṭha lo a hmu a, Pathian hnen aṭanga zir tur a hmuh chu a ngaihthah tlat a ni.

Pathian chuan a lalram chu a la bo ta a ni. 

Belsazzar chuan a hre ngei mai, mahse a zir duh lo a ni. Hriat leh zir danglamna hi kan hriat a ngai a ni. Thil tam tak i hre thei a, nimahsela i nunpui si loh chuan engmah i zirchhuak lo tihna a ni.

Hriat belh hi kan mamawh vak tawh lo. Kan hre tam tawk tawh a ni. Kan hriat ang ang chu kan nunpui a ngai a ni. Isuan Johana 13:17 ah, “Chung thil chu in hriat chuan ti ula in eng a thawl ang.” Thlarau lama puitling sawifiahna awlsam tak chu a taka thu zawma ti tute hi an ni.

Pathian Thu chu chhiar ringawt lo la. A sawi ang chuan ti ang che. A zirtirna che nunpui i duh a nih chuan, rinnaa ke i pennaah chuan Pathianin a ṭanpui ang che.

Ngaihtuah zui atan

* Pathian Thu hretu nge Pathian Thu nunpuitu an tih che i inrin? Engvang nge?

* Pathianin a zirtirna che a taka i la hmanchhuah loh eng nge awm? A nih chuan, i ṭhan zel theih nan engtin nge ke i pen ang? 

* Pathian Thu i zir aṭanga hmanchhuah i tum chiah khan i nunah eng nge lo thleng? Vawiinah hian ti ṭan la, a rah pawh beisei ang che. 

*Khawiah nge i chatuan hmun i hman dawn?*

Kan vai hian kan sual vek a – mahse Pathian chuan a hmangaihna leh ngaihdamna a lantir a. Bible chuan vanram chu Pathian rinna, Fapa Isua Krista kaltlanga in neih chauhin in lut thei ang a ti a. Vanram chu nangmaha i hlawhchhuah mai theih a ni lo. “Rinna avanga khawngaihnaa chhandam in ni; nangmahni thawhchhuah a ni lo va, Pathian thilpek a ni; thiltih avang a ni lo ve, chuti lo chuan miin an chhuang dah ang e.” Ephesi 2:8-9

I sualna te i puang duh a niha, i nunah Isua i thlang duh a nih chuan, heti hian tawngtai ang che.

“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a  ni.

“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”

Hetianga i tawngtai a nih chuan, Rick@PastorRick.com ah hian email min lo thawn la. Isua nena zinkawng i zawh tanna atana pawimawh te a thlawnin ka lo thawn ang che.

*[Lettu: Sangpuia]*