Aizawl | October 11, 2024: The Friday Show Kutchuak film hmasa ber 'Call Girl' chu November 9 zan khan Vanapa Hall ah tlangzarh a ni ta.
Tlangzarh zan hian a hmunah mi ṭhahnem takin an en a, hmuhnawm an ti a. Hall chhung thawm a ring thei hle. Tlangzarh a nih aṭangin boruak a nei hle.
'Call Girl' film hi darkar 2 leh Minute 38 a sei niin, Drama, Thriller, Suspense leh Tragedy huanga mi a ni a. En duh tan, Lersia Play-ah en theihin dah a ni.
He movie-ah hian Actor ṭha tak tak MSI Hmar, Duhawma Hmar leh Makima Chawngthu bakah Zaithiam hriathlawh Rebecca Lallawmsangi leh Lesky te hmel pawh kan hmu a. Anni bakah hian, Dindini, Vanlaltanpuii, Hlutei Pachuau, Mamuana Fanai, Zohmangaihsangi leh Muanpuia Sailo te an lang a. An role an hnehsawh hlawm hle.
'Call Girl' han tih hian a puitling Film deuh em tih zawhna te awm thei a ni a, He film hi chhungkua a han en ho atan pawh a him tura uluk taka ṭawngṭaina nen meuh a fimkhur taka Shoot a nih avangin him tawk tura ngaih a nih thu Director JC mawite a chuan a sawi bawk.
Call Girl film director hi JC Mawitea a ni a, Asst. Director leh Screenplay ziaktu hi Saeme a ni. Director of Photography (DOP) hi Chamtea Grafix niin, Asst. DOP hi Sailo Onethirtyfive a ni a. Sound hi JT Production-in an khawih a, Makeup Artist hi Hruaii Hmar a ni.
He film hi Mizoram State Child Protection Society-in an produce niiin, Fimora chu co Producer an ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: