Sinlung Hills Council sorkar thar lakluh a ni; CEM atan Ricky Lalremsanga

 

Aizawl | November 18, 2024:  Sinlung Hills Council sorkar thar lakluh a ni a, CEM atan Ricky Lalremsanga'n thutiam a la.

chawhma dar 11 hian Sinlung Hills Council inthlanna a member 12 thlan tlinte chu  Aizawl Bawrhsap Pisa Pui Hall-ah Er Lalhriatpuia Aizawl Bawrhsap kaihhruaina hnuaiah thu tiam tira lak luh an ni.

Protem Chairman Pu Lalhmingthanga kaihhruaina hnuaiah Chairman leh Dy. Chairman thlan nghal a ni a. Chuhpuitu awm lovin  Pu R Lalfakzuala, Ṭinghmun bial chu Chairman atan thlantlin a ni. Dy Chairman atan chuhpuitu dang awm lovin, Pu Benjamin Lalrawnliana, Zohmun bial chu thlan tlin a ni bawk.

Executive Council hetiang hian siamfel nghal a ni bawk :-

Chief Executive Member:

Pu Ricky Lalremsanga, Vanbawng bial

Executive Members:

1. Nl. Melody Lalchhuangzeli, Sakawrdai North bial

2. Pu Lalhmingthanga, Ratu bial

3. Pu Lalhriatchhunga, Sakawrdai South bial

4. Pu Zokhumthanga, Saiphai bial

MNF chuan thuchhuah siamin, SHC Election 2024-a thlantlin ten tluang taka sawrkarna siam a, sawrkar thar din a ni ta hi lawmawm an ti a, MNF leh HPC(R) thawhdunna hnuaiah hmasawnna tha tak thlen tur leh, Council huamchhung mipuite hamthatna tura theihtawp chhuah a, thawk zel turin duhsakna  a hlan tak meuh a ni.

..