PATHIANIN RAWNGBAWL TURIN A SIAM CHE

_I Nun Kalzel Atan Pathian Hmathlir_

By Rick Warren 

— Nov 26, 2024

“Thil ṭha ti atan Krista Isuaah chuan siama awmin ama kut chhuak kan ni si a;chu thil ṭha tih chu kan awmna turin Pathianin a buatsaih lawk a ni.” Ephesi 2:10

Pathianin rawngbawl turin a siam che.

Bible chuan, “Thil ṭha ti atan Krista Isuaah chuan siama awmin ama kut chhuak kan ni si a; chu thil ṭha tih chu kan awmna turin Pathianin a buatsaih lawk a ni.” (Ephesi 2:10).

He leiah hian awm ve satliah turin Pathianin a siam lo che. Siam chhan a nei che a. I talent te pawh nangma hamṭhatna tur ngawr ngawr a ni lo. I talent te chu midangin an lo ṭangkaipui ve theihnan a pe che a ni. Mi pakhatin talent a nei kim vek thei lo - inmamawh tawn kan ni tih hriain Pathianin min thlunzawm vek zawk a ni. 

I pian hma daih tawh khan, diktak chuan, Pathianin i awmdan tur hi beisei a nei lawk daih tawh a ni. Midangin chu i nihna chu an lan thei lo che a ni. Pathianin a siamdan ang che a rawng i bawllo anih chuan, khawvelin a chân dawn tihna a ni.

“Thil ṭha ti” tih awmze dang chu “rawngbawlna” hi a ni. I talent leh theihna te midang tan i hman apiangin rawng i bawlsak tihna a ni. Bible chuan 1 Petera 4:10 ah, "Mi tinin thilpek in hmuh ang zelin Pathian khawngaihna tinreng enkawltu ṭhate angin, chung chuan rawng inbawl tawn ṭheuh rawh u.”

Mi dang rawng i bawlsak hian Pathian rawng i bawl tih i inhria em? Pathian chuan mi chunga thil ṭha in tih apiangin, ka chungah pawh in ti ang a ni a ti. 

Isuan, “Tu pawh a lawm che u chu, mi lawm a ni a, tupawh mi lawm chu mi tirtu lawm a ni....Tu pawh heng mi te tak zinga pakhat hnenah hian, Zirtir a nih avanga tui vawt no khat chauh pawh pe apiang chuan, tih tak meuhvin ka hrilh a che u, an lawmman chu an chan tawp lo vang," a ti a..(Matthaia 10:40, 42).

Ngaihtuah zui atan

* Pathianin eng talent leh theihna bik nge a pek che le? Ziak chhuak rawh!

* In khawtlang dinhmun ngaihtuah la. Pathianin talent leh theihna a pek che hmang chuan chung an harsatna te chu engtin nge i phuhruksak theih ang?

* Matthai 10 ah chuan mi dang chunga ṭhatchhuah tur leh a duhte hnenah tuisik pe turin a ti che a. In khawtlang a mi te chu engtin nge ṭanpui an mamawh ve? Tu nge tuisik duh (thildang eitur mamawh emaw daktor panpui ngai te an awm em)?

*[Lettu: Sangpuia]*