Govt T Romana College Miss 2024 Rinrini

Govt T Romana College Miss 2024 Rinrini

Govt T Romana College Miss 2024 Rinrini hi a lai-ah hming chu Vanlalrinhlui niin, April 24, 2003 khan Rothangpuii leh R Lalnunhlua inkarah a lo piang a, Presbyterian Kohhran-ah lawiin, Zalen veng, Vairengte-a awm an ni a. Tunah hian zirna avangin Republic Vengthlang, Aizawl-ah a awm mek.

Apparels Sponsored by: Natives Circles

Your style, your story.

Whatsapp/Call/Gpay : 7005656069

Deliver all over India, Mizoram

Kan thawn thei a, kan deliver.

Chhinga Veng, Sakawrpului, Aizawl 796001

https://nativescircles.in/

Rinrini te hi unau panga niin, mipa pahnih leh hmeichhia pathum an ni a, ani hi a upa ber a ni.

Ft 5'3 a sang Rinrini hian, Zai leh lam te a tui hle a ni.

Zirna lamah chuan, Pawl 12 thleng Vairengte-ah a zir a, College hi Govt T Romana College-ah kalin, B.A (English) 5th semester a zir mek a ni.

View this post on Instagram

A post shared by 𝓱𝓸𝓷𝓮𝔂 𝓭𝓮𝔀 (@rinrini._)

Rinrini'n Explore Mizoram zawhna a chhannate:

📌 i duhzawng leh ngainat zawng hrang hrangte?

• Lehkhabu duh: I ti thei,Ziaktu-PC Lalremruati

• Actor/Actress: Leonardo DiCaprio/Gal Gadot

• Zaithiam: Lalduhsaki

• Chawhmeh: Artui, Alu

• Hla: Hringnun kan zinkawngah hian KHB-508

• Hmun: Kan in

• Rawng: Black&White

Mize ngainat zawng: Mi inngaitlawm

📌 Mize ngainat loh zawng:

~ Mi rêl ching

📌 Kawppui tura duhzawng?

- Pathian nena inzawmna thûk nei mi

📌 Relationship status: Single

📌 Aim in life: Nu leh pa te chawm lêt

📌 Govt T Romana College Miss 2024 thlanna a tel chhan?

~ Hruaituten tel tura min tih vangin😁

📌 Govt T Romana College Miss 2024 nih hi i inring reng em?

- Result puan dawn minute thleng khan ka inring lo😁

📌 Govt T Romana College Miss 2024 in I nuna nghawng a neih?

- Ka nun ka uluk leh zual a, mi te entawn tlak turin ka chezia ka uluk bawk a ni.

📌 Modelling lam i tui em?

- Tui lem lo. Mahse, Model te hi ka ngaisang em em a ni.

📌 Film chan / Acting lam hi i tui em?

- Tui tehreng mai. Hun tha chu nei ve ila, vawi khat tal chu la inlan / tih ve chhin ka chak!

Zawhna dang:::

1. A tel lova i awm theih loh: Bible

2. I nun kaihruaitu:

- Bible leh ka chhungte min fuihna

3. Hringnuna i hlauh ber:

- Ka hmangaih te chân

4. I tih ngai miah loh tur:

- Zu in, ngaihzawngte kawp

5. Mizo Tualzal nuna ṭha i tih:

- Tlawmngaihna

6. Quote i duh ber:

- With God everything is possible

7. Mizoram leh Mizo tualzal nuna Mizo hmeichhiate dinhmun:

- Hmanlai nena tehkhin chuan tuna kan mizo hmeichhiate dinhmun hi a sang hle tawh a, amaherawh chu, hmasawnna tur tam tak leh inzir tur tam tak kan la neiin ka hria a ni.

8. Hnam hmingṭhat leh hmingchhiat kawngah Hmeichhiate'n mawhphurhna:

- Hmeichhiate'n heng social media; Instagram,Facebook etc kan khawih hian kan fimkhur a ngai hle in ka hria a, a chhan chu khawvel mi zawng zawng hmuh theih thil anih vang a ni, kan thlalak duh dan atang te hian mi hian min lo teh thin a,hnamdang mipa ten kan thlalak an hmuh a an zuam nghal ngawt theih hi ni lo hram hram ila, ho te anga kan ngaihah hian Mizo hmeichhiate hian kan hnam hi kan ti hmingthain kan ti hmingchhe thei a ni tih hre thar theuh ang u.

9. Hnam ziarang chawinun kawnga Hmeichhiate mawhphurna:

- Hnam dang pasal nei mai lo a,kan mizo puite ngei neih hi kan hnam ziarang chawinun kawnga hmeichhiate mawhphurna pakhat ni in ka hria a ni.

10. Mizote tan 'Fa neih tlem' inzirtir hi a ṭulin i hria em?

- Khawvel huap thlir chuan Mizote hi kan la tlem em em a,hnamdangin min chiah nasa in min chim ral a hlauhawm hle bawk,chuvang chuan 'Fa neih tlem' inzirtirna hi a tul ka ti lo a ni.

11. Mizo hnam ṭhanmawh bawk nia i hriat?

- Heng thil hrang hrang Zu, Drugs, Ganja leh Sex hman khawlohna te hi mizo hnam thanmawh bawk te an ni in ka hria a ni.

12. Mizo hnam damna atana kawng awm nia i hriatte?

- Mizo ka ni inti tawh phawt hi chuan kan mimal nun theuhah hian Pathian nena inzawmna thuk nei ila, chu chuan midangte laka kan nun dan thlengin nghawng tha a lo nei anga, inngaihdam tawnna te, inlungrualna te etc...a lo awm anga, Mizo hnam damna a thlen ngei ka ring.

13. Hnam chhan nana Hmeichhiate ṭangkaina leh mawhphurna?

~ 1. Mizo mipa ngei pasala neih

2. kan fa te mizo tawng hrilh tam leh kan culture hrilhhriat tam

14. Zirna, Khawtlang leh Kohhran hi?

- Zirlai kan nih angin kan zirna ah theihtawp kan chhuah tur a ni a,tin mahni theih ang tawkin kan zirlai tibuai chuang si lo in Kohhran leh khawtlang hi belh tlat bawk tur a ni.

15. Khawtlang, Kohhran leh nangmah:

- Kohhran leh khawtlanga inhman hi a tha ka ti a, ka nun kaihruaitu pawimawh tak a ni. Tin Kohhran leh khawtlang belh tlat leh inhman tlatna hian mi zahawmah min lo siamin ka hria.

16. Social Media leh Nangmah:

- Social media hi a hmang tangkai tan leh a hmang thiam tan chuan a tha em em a,awlsam taka thil tih zung zung theihna pawh a ni,keipawhin tangkai takin ka hmang a ni.

17. Mizoram ṭhalai tam tak tlakchham:

- Thil tam tak sawi tur a awm thei ang a,mahse,Insumtheihna hi Mizo thalaite hian kan tlachham hle in ka hria.

18. Mizo ṭhalaite hian ngaihsan tur dik an ngaisangin i hria em?

- Then tam tak hi chuan ngaihsan tur dik ngaihsanna chang kan hre tawh a,kan dahsang thiamin,kan ngaihlu em em tawh, chutih rualin, thalai thenkhatte chuan zirtur kan la ngah hle.

19. Ngaihsan tur dik nia i hriat:

- Pathian tih mi, mi dik, mi huaisen, ram hmangaihtu

20. Hlawhtlinna tura pawimawh:

- A hmasa berah chuan Pathian tih, Taimakna leh tumruhna.

21. Hloh i hlauh ber:

- Ka nunin Pathian a hloh hi ka hlau ber a ni

22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?

- aw ring e,Zo hnam inpumkhatna thleng thei tur chuan mimal tin hian Pathian kan auh a tulin ka hria a ni.

23. Hnam dang nupui pasal neih hi:

- hnam chimral tu ani a,hnam ralna hi chhuankhat lek anih avangin,hnam dang pasal neih i intihhmuh lo ang u.

24. Nupui pasal neih hmaa mipat hmeichhiatna hman hi:

- Mipat hmeichhiatna hi Pathianin nupa kara hman tura a siam a ni a,inneih hma a hman hi a pawi em em a,Pathian pawi kan sawina lian ber a ni hial awm e,amaherawh chu kan lo tisual tawh anih pawhin Pathian hian min ngaidam thei a,kan tihsual te tisual nawn tawh lo turin a hnenah kan in hlan thar leh thei a ni.

EXPLOREMIZORAM.COM i hmuh dan:

- Hmalakna a tha a, thalai tan phei chuan a bengvar thlakin a tangkai ka ti hle.