TLAWMNA HI DUHTHLANNA A NI

Tihnghin rual loh

By Rick Warren 

— Oct 30, 2024

“Chuvangin, a hun teah chuan a chawimawi theihna tur che uin Pathian kut chak tak hnuaiah chuan intihnuai ula.” 1 Petera 5:6

Hlawhtlinna chan hnua thil awl deuh mai chu, mi hlawhtling nih chhunzawm ai mahin tluk chhiat hi a awl zawk a ni. Hlawhtlinna i lo chan hnu hian, Pathian theihnghilha chapo mai a awl hle mai - nimahsela chapona thinlung i lo put mai chuan i hlawhtlinna hi a derthawng thei a ni.

I hlawhtlinnaah Pathian i lo theihnghilh a nih pawhin, thil pawimawh tak chu - sim turin ke pen ang che.

Bible chuan, “Chutichuan, i tluksan tak chu hre reng la, simin, atira i thiltihte kha ti leh rawh, chutilochuan i hnenah ka lo kal ang a, i sim loh zawngin i khawnvar dahna kha a hmun ata ka sawn ang,” a ti. Thupuan 2:5

I lo chapo a nih chuan, i sim ngei tur a ni. I sim chuan i rilru a lo danglam ang, nangma duhzawng ni lo vin Pathian duhzawngin nung tawh ang che.

Engvangin nge sim chu a pawimawh. A chhan chu tlawmna hi duhthlan theih a nih vang a ni. Bible chuan, “Chuvangin, a hun teah chuan a chawimawi theihna tur che uin Pathian kut chak tak hnuaiah chuan intihnuai ula.” 1 Petera 5:6

A chunga Bible thu ah khian Pathian chuan inngaitlawm turin a ti lo che a. Tlawmna chu nangmah ngeiin thlang turin a ti zawk che a ni. 

Chapona leh tlawmna danglamna chu hei hi a ni. Pathian leh mi dang kaltlanga an thiltih nangman hmingthat i lo lak hian chapona a lo awm a ni. Tlawmna awmzia chu mahni inngaihtuah tlem ringawt hi a ni lo. Mahni inngaihtuah tlem a - Pathian leh mi dang ngaihtuah hi a ni zawk.

Hlawhtlinna i chan hnuah a i lo chapo viau a nih chuan - vawiinah hian chu chapona chu sim nghal ang che. Tu nge i nih tih leh khawi atangin nge hlawhtlinna chu i chan tih ngaihtuahin i rilru thlak danglam rawh. 

Bible chuan, “Tupawh inngaihlu apiang an tlawm ang a, tupawh inngaitlawm apiang chawimawiin an awm ang.” Matthaia 23:12

Ngaihtuah zui atan

* Nitinin thil te tham te ni mah se engtin nge tlawmna kawng i zawh theih ang?

* I nunah khawilai hi nge chapona kawngah sihhnip deuha i hriat? Chung kawngah chuan engtin nge tlawmna nun i lanchhuahtir theih ang?

* I nunah eng chapona nge sim i mamawh? Chu chu ti nghal turin inbuatsaih rawh.

*[Lettu: Sangpuia]*