I TIH THEIH LOH CHU PATHIAN HNENAH THLEN RAWH

_Tihnghin rual loh_

By Rick Warren 

— Oct 22, 2024

“Mi au la, ka chhâng ang che, thil ropui leh inthup i hriat ngai loh chu ka entir ang che.” Jeremia 33:3

I thiltihtheihna piah lamah chuan, i talent, finna, leh zirna te pawhin a chinfelsak thei chuang lo vang che.

Pathian chauhin a thei.

Chu vang chuan thil mak ti theitu Pathian hnenah thlen ang che. Pathian chuan Jeremia hnenah, ani hi Daniela hun laia awm ve leh Babulon a thil thleng engkim hria a ni, “Mi au la, ka chhâng ang che, thil ropui leh inthup i hriat ngai loh chu ka entir ang che.” (Jeremia 33:3). Pathian chuan a ṭanpui duh che a ni!

Daniela khan lal Nebukadnezara mumang hrilhfiah tur khan Pathian finna a dil a nih kha.

Daniela chuan amah maiin a chingfel thei lo tih a inhriaa Pathian a mamawh tih a inhre chiang a ni. Kum sang chuang pawh ring mahsela lal mumang a ring dik chuang lo vang. Nimahsela Pathian chuan vawi leh khatah a hrilh nghal thei mai a ni.

Bible chuan, “In châk a, in nei si lo va: tual in that a, in awt a, in nei thei si lo va: in inhnial a, in indo va; in dil loh avangin in nei lo va.” (Jakoba 4:2).

Kan dil miau loh avangin vawi tam Pathian ṭhatna lo thleng tur chu kan pumpelh a ni.

Pathian ṭhatna chu vawi tam ka lo hmu tawh a. Harsatna keimah maia ka chinfel theih loh pawh ka lo tawng tawh. Chu vang tak chuan ka ṭawngṭai ṭhin a ni.

Tichuan Pathianin min chhang a. Ka hringnun hi ṭawngṭai chhannain a indawt zut a ni. Chutiang chiah chuan Pathianin in hnenah thlentir ve se ka ti a ni.

I nunah Pathian ṭhatna chu a taka a lo thlen theih nan dil ang che! Kan ka kan chip a nih ngawt loh chuan Pathianin kawng a khâr ngawt ngai lo. Ṭawngṭaiin bul ṭan la, ṭanpui dil la - a chhanna pawh beisei ang che.

Chutiang chu rinnaa ṭawngṭaina a ni. Jakoba 1:5-6 ah chuan, “In zingah tupawhin finna a tlakchham chuan mi zawng zawng hnena hau lo leh ui lova pe thintu Pathian chu dil rawh se, chutichuan a hnenah pek a ni ang. Nimahsela, ringhlel hauh lovin rinna neiin dil rawh se, ringhleltu chu tuifinriat fawn thli chhem len leh vawrh ang a ni si a.”

Daniela chuan Pathian ṭanpuinain lal mumang chu hrilhfiah theih a inring a. Tichuan Pathian hnenah hrilhfiahna a dil a, a chhânna pawh a beisei a ni.

Chutiang rinna chu i neih chuan, i tih theih miah loh tur chu Pathianin phal takin a tihsak ang che.

Ngaihtuah zui atan

* Pathian chuan a inrawlh hmain engtin nge ṭawngṭai se tih min duha i rin le?

* Pathian chuan ṭanpui che a chakin i ṭawngṭaina pawh a chhan chak che i ring em? I ring a nih chuan, engtin nge i ṭawngṭai danah nghawng a neih le?

* Eng thil nge nangmah maia i tih theih loh, Pathian ṭanpuina i dil awm le?

*[Lettu: Sangpuia]*