ENG VANGA CHIBAI BUK TUR NGE I NIH

_Tihnghin rual loh_

By Rick Warren 

— Oct 23, 2024

“Tin, chu thu inthup chu zân inlârnaah Daniela hnênah a lang ta a. Tin, Daniela chuan vân Pathian chu a fak a.” Daniela 2:19

Kan tih theih bak kan hmachhawn hi chuan tu te pawh hi a ngaihna hre loin kan awm ṭhin a ni. Kum sang liam taa rawlthar ve mai khan engtin nge a tih bik? 

Devotion kan neih tawh hoah khan, Daniela khan an hun laia lal thiltithei takin tih theih loh ti tura a ngenna a tihsak dan te kan zirho tawh a. Danielan heng thil pali hi a ti a nih kha:

1.  Chiai lo vin, thudik a la khawm.

2.  Hun tam zawk a dil belh.

3. Ṭawngṭaia thurualpui tur a zawng.

4. Pathian hnen aṭangin thil mak thlentir a dil.

Danielan a dawt leha a tih chu Pathian chibai a buk hi a ni.

Pathian chibai buknaa kan hriat tur pawimawh tak chu rimawi ringawt hi a ni lo tih hi. Kawng hrang hranga chibai buk dan a awm a ni. Pathian lama i hawi apiang hian chibai i buk tihna a ni. Pathian i hmangaihzia i sawi chhuak a nih chuan, chu chu chibai bukna a ni. Chibai buk turin biak ina i awm kher a ngai lo. 

Eng vangin nge chibai i buk? Pathian chibai i buk chuan i harsatna zawng zawng dahṭhain Pathian lam i hawi zawk tihna a ni.

Bible chuan, “Tin, chu thu inthup chu zân inlârnaah Daniela hnênaah a lang ta a. Tin, Daniela chuan vân Pathian chu a fak a.” (Daniela 2:19).

A chunga mi khian harsatna hmuna Pathian fak dan min zirtir a ni. Danielan thihna a hmachhawn dawn khan, Pathian ṭanpuina leh finna a dil a. Pathianin a chhang a ni! Daniela chuan, “Tin, chu thu inthup chu zân inlârnaah Daniela hnênaah a lang ta a. Tin, Daniela chuan vân Pathian chu a fak a. Daniela chuan, "Pathian hming chu kumkhaw tlaitluanin fakin awm rawh se: Finna leh thiltihtheihna a ta a ni si a: Hunte leh hunbite a ti danglam a: Lalte a sawn bo va, lalte a tungding a: Mifing hnênah a finna a pe a, Hrethiamtu hnênah hriatna a pe a: Thil thûk leh thil inthupte a tilang a: Thima awm pawh a hria a, a hnênah chuan êng a chêng a. Aw ka thlahtute Pathian, finna leh theihna min petu, i lak ata kan thil dîl tûna min hriattîrtu chu. Lâwmthu ka hrilhin ka fak a che: Lal thil chu min hriattîr tawh si a," tiin a sawi a. (Daniela 2:19-23).

Danielan thil pathum a ti a: Pathian a nihna avangin a fak a, Pathian chu a thiltih avangin a chawimawia, Pathian ṭanpuina avangin lawmthu a sawi bawk a ni.

Chu chu chibai bukna a ni. Chutiang chuan ti ang che, tichuan i harsatna chu dahṭha la Pathian lam hawi zawk ang che - a hnen lam chu kan hawi fo tur a ni.

Ngaihtuah zui atan

* Harsatna kan tawh hian eng vangin nge fak harsa kan tih ṭhin?

* Pathian i fak hian engtin nge i thawpikna a tih kian?j

* Heng pathum zingah hian eng ber nge i huphurh ber: Pathian a nihna avangin a fak, Pathian chu a thiltih avang a chawimawi, Pathian ṭanpuina avanga lawmthu sawi. Eng vang nge?

*[Lettu: Sangpuia]*