Republic Vengah in a chim; mihring hliam an awm lo

Naktuk khawvarah inseng fel tum!

Aizawl | September 2, 2024: Zanin dar 6:30 vel khan Aizawl Republic Veng huam chhunga Hmar veng lama chenna in pakhat chu a him a, mihring thi leh hliam an awm lo.

He in hi Chhingpuii chenna in niin, Assam Type a ni a, a chim/tluk hian kawng thlangah a tawlh a, a thlang lam kawngah lei / chirh nen a tawlh tla a ni.

Chhingpuii hi mahni khawsa a ni a, a in dinhmun hi a hlauhthawnawm deuha a lan avangin a bungrua thiar chhuah a ni. Mahse, bungrua thiar chhuah zawh hmain in hi a chim niin thudawnna chuan a tarlang.

He in chimna thlang kawngah hian lei nen a inhnawh avangin helai kawng, Venghlui aṭanga Republic Veng panna, Zohmaa Road pawhtu hi a tlang rih lo a ni.

Zan thila chet chuan chhiatna pawi zawk a thlen palh hlauh vangin naktuka insingsak leh insengfel turin thuneitute'n ruahmanna an siam niin Republic Veng aṭanga thudawnna chuan a tarlang.

He in hi tluin kawng thlangah a hlawmin tla mai lovin, a kar lakah a darh hman a, hei hian a thlanga kawng thlanga in te a tihchhiat loh phah niin thu dawn a ni.

Lei leh chirh bakah in chak ṭhenkhat inchhek khawm hian Two Wheeler ṭhenkhat chhuahna a dal a, a chhilh em lo nia hriat a ni bawk.