Aizawl | September 18, 2024 : Vawiin ni 18 September, 2024 (Nilaini) khan PWD MinisterVanlalhlana , Mizoram Truck Drivers Association leh Mizoram Truck Owners Association-te nen Kawnpui leh Khamrâng inkâr kawng chhe lai an enho.
National Highway 306 hi Mizoram mamawh chawkluhna ber a ni a, chutih laiin helai kawngpui, a bikin Khamrang leh Kawnpui inkar hi Sorkar hmasa hun lai atang tawhin vawi tam tak thuam that lo ni tawh thin mahse fur a dawl zo meuh thin lova, Mizoram mamawh chawkluhna kawngah harsatna lian tak a thlen thin a ni. Kuminah pawh PWD lam chuan fur lo thleng tur atan inhmakhuain thal laiin theih tawpa thawm that ni mah se, kumin fur a nat em avangin Mizoram mamawh lakluh kawngah harsatna a thlen leh ta a ni.
Mipui Harsatna hriain Pu Vanlalhlana PWD Minister chuan Mizoram Truck Drivers Association (MTDA) leh Mizoram Truck Owners Association (MTOA) hruaitute chu nimin (17th Sept.2024) khan a Office-ah a kawma, he an inkawmna bawh zui hian vawiin khan kawngchhe laite hi a hmunah kalin an enho a, chak zawka kawngchhe thuamthat dan tur leh mipuite leh lirtheia eizawngte harsatna sutkian dan turte sawiho a ni.
PWD Minister Pu Vanlalhlana chuan,"Kawngchhia avanga Mizoramin harsatna kan tawh mek hi Sorkar chuan pawi a ti a, kan ngaihven renga, hmalakna pawh a kal mek a ni. Thu a sawi mai ai hian heng kawngchhe siamthat hna hian a takah hun leh tha, sum leh pai a mamawh hnem hle a, duh angin thil a tih zung zung theih loh a ni. Sorkarin theih tawpin hma a la zel dawna, mipuite pawhin Sorkar hmalakna dawhthei taka lo ngaichang turin kan inngen a ni," a ti.
Kawng chhe enhona hi Kolasib Bialtu MLA Pu Lalfamkima, Deputy Speaker chuan telpui-in, Department lam aṭangin Pu H.Ramliana, Chief Engineer (Highway) leh official dangte'n Minister hi an ṭawiawm bawk a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: