Aizawl | Sept 18, 2024: Hachhek bial fanga zin mek Pu Robert Romawia Royte Hachhek bialtu MLA chuan vawiin khan Kanhmun ah Congress Unit President leh Unit Secretary tiamin Congress Member 10 leh ZPM Members 12 avaiin Voters 22 MNF party ah a lawmlut.Khaw hrang hrangah MNF zawm thar an awm a,October thlaah lawmluh runpui neih tum a ni MLA chuan a ti.
Hachhek bialtu MLA Pu Robert Romawia Royte chuan ZPM Sorkar hi sorkar hmasa tihdik loh zawngin hnunglam hawiin a kal a,tun hi min thlenpui ta anih hi.SASCI Part-I sum sanction sa cheng nuai 23331 an tih lapse chhan pawh kha ‘hnunglam an hawi rei lutuk vang a ni’ tiin sum lapse pawi zia hi thla 9 zet an sorkar hnuah an hmuchhuak tan mek a ni a ti.
MLA Robert Romawia Royte chuan ZPM CM leh Minister te hi India Danpui hnuaia mawhphurhna kengkawh tura thutiam la vek an ni a,mahse an chanvoah ngei pawh mawhphurhna la ngam lova midang dem tur an zawng thin hi a diklo a. An chanvoa diklo awmah midang puhmawh zel lovin mawhphurhna la ngam se tih hi mipui ngaihdan a ni a ti.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: