Aizawl | September 18, 2024: Vawiin Nilaini khan Aizawl South II Congress Block hruaitute MPCC Treasurer, Dr. Lalmalsawma Nghaka te in Kulikawnah an inhmukhawm.
He inhmuhkhawmah hian MPCC Treasurer, Dr. Mala chuan “Kan ram dinhmun en hian ZPM Sawrkar chungah mipui beiseina a tla hniam sawt hle a, MNF lam han thlirin an sawrkar lai a mipui min sawp retheih zia te mipui thinlung ah nimin ang mai a la chiang a, keimahniah hian mipuiin beiseina thar an nghat leh mek tih a hriat theih tawh a.
ZPM Sawrkar hi inthlan hmaa an che zia, an in tiam dan te leh an sawrkar hnua an ze dik tak inan loh zia mipuiten a ni telin kan hmu chho mek a. Nimahsela, ZPM sawrkar chet chhiatna ringawt hi keini chuan thawhkan leh nana innghah chhanah kan hmang dawn lova, Congress Party chuan Policy tha leh tihhlawhtlin theih ngei kan nei ang. Sorkar Tha din leh Kalphung dika kal Mizoram mipuite pek hi kan mawhphurna pawimawh ber leh politics-a kan awm chhan tih hre reng chungin mipui nawlpui innghahchhan kan nih zel theih nan Congress Party hruaituten Pathian hruaina dil chungin thahnem ngai zual zel turin ka sawm nawn leh che u a ni,” tiin a sawi.
Aizawl South II Congress Block hruaitute inhmuhkhawmah hian President Pu H. Lalduhawma’n a kaihruai a,
Pu Lalbiakzama,(INC MP Official Candidate) GS MPCC, leh Aizawl South-II huam chhunga Headquarters hruaituten an telpui a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: