Aizawl | Sept 13, 2024: Vawiin ni 13.09.2024 Zirtawpni chawhma dar 11 khan Mizo Hnam Run inkhawm neih a ni a. Political Session-a thusawitu MNF GHQ NCC leh Ex Minister R Tlanghmingthanga chuan, Mizo hnam leh MNF a inzawm tlat a, Pathianin kan hnam hi MNF kaltlangin chhanchhuah a duh a ni, a ti.
Tlanghmingthanga chuan, "Kan hnam hi a dam tur a ni. Kan sakhua pawh a him tur a ni. Kan hnam hi intodelh turin ke kan pen a ngai.
"Kan hnam hi kan party duh dana kaihhruai mai chi a ni lo. MNF hi eizawn nana hman chi a ni lova, hrehawmna leh tawrhna leh thihna hial pawh tawh theihna hmun a ni a. Kan mimal duh dan tipuitling tura hnam run hi kal tur a ni lo. Mi te ber atanga a lian ber thlengin ram leh hnam tan kan kal tur a ni.
"Volunteer-a inpe hmasa ber pawl ka ni. Kan intiamnaah chuan mahni inkalsanin kan chhuak a, thih huamin ram tan ke kan pen," tiin Pu Tlanga chuan hnam movement-a an tel chhoh dan leh an hnathawh ropui tak a sawi.
Inkhawm hi Pu LT Kima Fanai, GS MNF GHQ-in a kaihruai a, Pu H. Vanlalruata, Jt Secy MNF GHQ-in hunserh a hmang bawk a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: