Aizawl | August 6, 2024: MNF Legislature Party chuan vawiin chawhnu dar 1 khan Thuthar thehdarhtute kawmin, "ZPM Sorkarin buhfai man 100% a tito tura thutlukna a siam hi mipui pawisawina leh zahlohna a ni" an ti a, "sut leh vat rawh se!" tiin thu an pe.
MNF Legislature Party chuan, Tunhnaiah Food Civil Supplies & Consumer Affairs Deptt-ah nasa taka Sorkar dan dinglai bawhchhiat avangin Deptt. in buhfai a leinaah mipui sum tam tak mimal thenkhat leh anmahni duhsaktute kutah a luanglut niin a lang," an ti.
MNF Legislature Party (MNF MLA te) chuan Supply Minister zahawm tak leh a Deptt. a thil diklo tam tak kan hmuhchhuahte kan tarlang a ni, an ti.
1.Supply Deptt. in buhfai lei tura Tender a chhuah danah dan dinglai nasa takina bawhchhia a. Mizoram Public Procurement Rules 2020 chuan Limited Tender/Restricted Tender hmangin Rs 25 lakh aia tam man thil lei a khap a vide surl.li/iznkna Mahse Supply Deptt. in buhfai an leinaah hian he dan hi nasa takin an bawhchhia ani, chubakah cheng nuai sangbi man tender-ah hian Earnest Money
pawh Tenderers te an dahtir lo bawk.
2.Tender chhang hniamber RL Store Kulikawn te chu dan palzuta hnawlin a aia
nasa taka chhang sang zawk LZ Juice,Melthum te supply hna tam tham tak pek an ni. Hemi chungchangah hian Supply Deptt. in RTI Act dan anga zawhna an
chhannaah tender chhang hniam ber RL Store Kulikawn an thlanloh chhan chu
Buhfai C Grade supply tura Tender an chhan vang niin ziakin an chhang a vide surl.li/nabjjc Mahse RL Store ten Tender an chhanna copy a alan danin Buhfai A Grade supply tura chhanna pe ngei an ni tih a chiang a ni vide shorturl.at/VFkUm
Buhfai supply chungchanga dan bawhchhiatna hrang hrang avang leh Tender
chhang hniam ber supply hna pe lova a chhang sang zawk LZ Juice,Melthum te
pek an nih avangin sorkar sum hloh hi a tam tham hle a ni.
3.Supply Minister zahawm takin ZPM Thalaite political training ni 17.7.2024 a a thusawi ah ‘Buhfai supplier thlannaah ka inrawlh lo’ a ti niin Media report kan
hmu a. Mahse SPAB Minutes hi File ah a approved ngei a ni tih notesheet-ah chiang takin a lang vide shorturl.at/D8xX8. Heti chunga midang mawhpuha buhfai supplier thlannaa inrawlh lo anga a insawi fo hi mipui leh a Deptt. hnuaiaSPAB ngei pawh zahlohnaah kan ngai a,mawhphurhna la ngamlo Supply
Minister kan nei hi a vanduaithlak tak zet a. Keini MLP te chuan dan zawm lova buhfai man to zawka lei anih avanga sum nuai za tam tak chingpenah hian Supply
Minister ngei hi a mawhphurtu ah kan ngai a, Chief Secretary leh midangte a puhmawh hi pawm chi ah kan ngailo.
4.Supply Deptt. hmalaknaa ZPM sorkarin Card var hmangtuten buhfai Rs 15/-per KG a an lei thin Rs 30/- per KG (100% a tihsan) dan hi a uchuak kan ti a. Hetiang mi tam tak khawsak relna kawnga harsatna siam tur chungchanga
RAWTNA intan dan leh thutlukna siam a nih dan hi keini MNF MLP chuan
pawmtheih niin kan hrelo a.Buhfai chungchanga Sorkar hmasate ro lo rel tawh dante leh mipuite zahpahna nei miahlova ZPM sorkarin buhfai man 100% a tipung tura thutlukna a siam hi rang taka ennawna a rawn awmte eg:- mipui aiawh
NGOs te leh political parties etc. rawnin thutlukna siam chauh nise kan ti a, MNF
Party chuan mipuite harsatna thlirin a leta tihpun hi kan do tlat a ni.
5.Tunhnaiah Hachhek biala Mizo khaw hlun tak Phuldungsei khuaah Mizoram Ration Card neitu mi 85 lai chu an Ration Card paih sak (deleted) ani hi Hnam
pawikhawihna lian tak ani a. Sorkar hmasa zawng zawng in Phuldungsei khua
leh a mi chengte hi Mizoram Sorkar hmasa ten voters, Ration Card etc. hun rei tak atanga an lo pek tawh an ni. A ram; khua hauh a ngai a, a mipuite pawh hauh
tlat a tul em lai leh Tripura Sorkar chuan an duhlo chung pawh an Ration Card te an delete duh reng reng lo. He Hnam pawikhawihna lian takah hian ZPM Sorkar
hian mawh a phur a, a demawm tak zet ani. He Hnam issue ah hian Mizoram Sorkar hi thangharh se Ration Card hi pe let nghal se, tun hnu ah pawh fimkhur se kan ti. He Hnam issue ah hian Sorkarin puih an ngaih chuan kan in huam tih kan puang duh a ni.
6.ZPM Sorkar hian AN TIH LOH TUR a an puanchhuah te an ti bawrh bawrh mek tih kan hmu vek a.Thla 8 dawn an sorkar hnu hian AN TIH TUR a an sawi lam hi hawi tan ve tawh se tih hi he sorkar kan beisei dan a ni. ZPM sorkara CM, Minister leh MLA te hian ‘midangte aia dikbik leh
thabik’ nih an tum thu uar takin an sawi a, tuna ataka an chetvel dan erawh chu hriatthiam phak rual a ni ta lo a. He sorkar thla 7 awrh a upaah hian Corruption hi ava nasa tehlul em!!
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: