Tlai dar 4 aṭangin Chakma pawnchhuah khapna titawp dawn!

Aizawl | August 23, 2024: MZP Headquarters, Lunglei chuan, vawiin Tlai dar 4 aṭangin Chakma pawnchhuah khapna titawp dawn!

Vawiin ni 23rd August, 2024 (Zirtawp Ni ) a MZP Hqrs: Lunglei Emergency Meeting chuan Chakma pawn chhuah khap chu tun dinhmunah tih tawp rih nise tiin a rel a ni.

Meeting chuan ni 17 August, 2024-a Mausen leh Tlawng inkara sumdawng lo suamtu Chakma panga(5) te lung in ah khung an ni tawh a. Ni 19 August, 2024-a Borapansury-a Mizo Police kut-thlaktute chhuina neih mêkah case ziah luh a ni tawh bawk a, hemi bakah hian 'Magisterial Inquiry' din anih tak avangin Chakma pawn chhuah khap hi tlai dar 4:00 p.m aṭanga tih tawp rih a rel a ni. Meeting chuan thuneitute hmalakna chu en zui zela thil tisualtute man vat an nih theih nan a ṭul anga hmalak zel nise tiin a rel bawk a ni.

Mizo Zirlai Pawl Headquarters:Lunglei chuan Chakma pawn chhuah khap chungchanga Mizo mipuite thlawpna chu lawmawm a ti hle a, ram leh hnam humhalh na kawngah theih tawp chhuaha mipuite nena hmalak zel anih theih a beisei bawk a ni.

.