MALA AWMA I INHRIAT LAI PAWHIN PATHIANIN A AWMPUI CHE

_Hunbi Hrang Hranga Ṭhan Dan

 -- Rick Warren 

— August 21, 2024

“Chanchin Ṭha keimah avanga hrilh kimin a awm theih nan leh Jentailte zawng zawng chuan an hriat theih nan, Lalpa chuan mi ṭan a, mi tichak ta zawk a ni; tin, sakeibaknei kaa mi kha chhan chhuahin ka lo awm ta a ni.” 2 Timothea 4:17

Mala i awm lai khan Pathian khawiah nge a awm? I kalna apiangah i kiangah a awm zel a ni. Amah chu a awm a ni tih i hriat loh pawhin a awm reng a ni.

Bible chuan Krista nena inzawmna in neih chuan, Pathian chu i kiangah a awm reng a ni a ti. Ani chuan, "Kei kumkhuain, khawvel tawp thleng pawhin, inhnenah ka awm zel ang,” a ti (Matthaia 28:20). I hnenah a awm reng a. Malin i awm lo a ni.

Kum engemaw kalta khan Hong Kong-ah kan nupain Missionary-te zirtir turin kan kal a. Kan tum ram kan thlen hmain harsatna kan tawk a, khawpui nasa tak a ri a. Thlawhtheihna pawh chu a inthen a inthen a. A chuanga te chu min tibuai hle a ni.

Aurinna hmangin thawktu pakhat chu a lo au lauh lauh a, “Thlawhnaah hian rawngbawltu chuang in awm em?” Ka kut ka phar a. Ka lamah lo kalin ti hian a lo sawi a, “Tu te pawh hi he buaina avang hian kan manganga, engemaw tak min tihsak rawh?” Tichuan, ka ṭawngṭai ta a!

A dik a dik chuan, thlawhnaa awm zawng zawng chuan Pathianin min awmpui a ni tih hriat an mamawh a ni. Ringtu kan nih chuan, mala kan awm lai leh hlauhna kan neih hunah pawh awmpui min tiam kha kan beisei thei a ni. Thlamuanna ringawt ni lo vin, Pathian hriat chian leh zualna hun remchang min siamsak a ni.

Mala awmna chu Pathian kan hnaih leh zualna hun ṭha a ni. Mala i awm lai pawhin Pathian chu a awm a ni tih i hriat a ṭul a ni.

Kum engemaw liam ta khan, Amy Grant chuan he hla hi a sa a, “Mala ka awm ni kha a nuam ka ti; i hnen min hruai thlen avangin.” Mala kan awmna kan tihreh theihna chu ṭawngṭaina hi a ni. Pathian chuan darkar 24 chhung min vil a. Engtik hunah pawh, khawi hmun aṭang leh khawiah pawh i be thei a ni. "Lalpa, malin ka awm. Ka na! Ka thinlung a rum. Lungngaiin ka awm. Saruakin ka awm, Lalpa min pui rawh" tia i sawi chu a hrethiam em em a. Engtiklai pawhin i be thei a ni. 

Davida, Israel te lal chuan, Sam-ah heti hian a sawi, “I hnen ata hi khawiah nge ka tlan bo ang?” Khawiah mah. Pathian awm lohnaah chuan i tlan bo thei lo. Krista i ring a nih chuan, i thinlungah khan a awm a ni. Mala awma i inhriat chuan amah chu thlang nawn leh ang che.

Ngaihtuah zui atan

* Hun liamtaah khan Pathian a awm a ni tih engtin nge i hriat? Nangmahah engnge nghawng a neih?

* Mala i awm pawhin ringtu i nih chuan engtin nge mi dang aia danglam deuhin i ṭawngṭai ang?

* Engtin nge Pathian nen in inhnaih zual theih ang?

*[Lettu: Sangpuia]*