Aizawl | August 28, 2024: ZPM chuan vawiin khan thuchhuah siamin, "Fur khat pawh daih lo kawngpui hi Sorkar hmasa siam a ni!" an ti a. "PWD changtu minister Pu Vanlalhlanna hmalaknain kawng chhe siamna tur ruahmanna hi siam vek tawh a nia, fur lai a nih avangin hmalak a harsa a heng kawngpui chhiate hi la siam that theih a ni lo." an ti.
ZPM chuan, "Fur a zo anga, kawng chhe siam hna thawk tura ruahmanna peih sa vek tawh hi sorkar chuan a taka hmalak thuai a tum a ni." an ti bawk.
ZPM chuan, "Tunlai hian eptu party lam chuan kawngpui chhiat avanga sorkar demna social media ah an thehdarh nasa hle mai a, an sorkar laia an mahni kawng siam ngei ni si, furkhat pawh a daih loh avanga sorkar thar dem nana an han hmang leh mai si hi mahni mawnghlimna mai leh sorkar lai beih chak vang hrim hrim niin a lang. Sorkar hmasate hunlai khan kawngpui a chhe thin hle a, mipuiin kan hre vek a ni, hmun thenkhatah phei chuan khawpui chhung kawng chhia leh tui tlingah buh te an inphun sak hial a nih kha, kumin fur khat pawh daih lo kawngpui pawh hi sorkar hmasa siam tho kha a la ni." an ti.
ZPM thuchhuah chuan, "ZPM Sorkar hian kumkhat em pawh sorkar nan hun a la hmang lova, kum tam tak lo sorkar tawhte tih theih loh ti nghal vek tura eptu party lamin mipui hnena beiseina diklo an tuh thin hi a pawi hle a, ZPM in sorkarna a chan tirh atangin hna thawhna hun tak tak hi a la awm meuh lo a, Sorkar kalphung anga 9th legislative assembly session hun rei tak chhung neihte, MP Election Model Code Of Conduct in hun rei tak min phuar vangte khan ZPM Sorkar hian hna thawh nan hun a la nei tlem em em a ni. Eptu party workerte hian tuna an aupui mek leh sorkar leh a changtu minister dem nana an hman hi an hotute kawngpui siam ngei kha a ni a, fur khat pawh a daih lo a ni zawk." an ti bawk.
FUR KHAT PAWH DAIH LO KAWNGPUI HI SORKAR HMASA SIAM KHA A NI
Dated Aizawl, 28th August,2024 : Tunlai hian eptu party lam chuan kawngpui chhiat avanga sorkar demna social media ah an thehdarh nasa hle mai a, an sorkar laia an mahni kawng siam ngei ni si, furkhat pawh a daih loh avanga sorkar thar dem nana an han hmang leh mai si hi mahni mawnghlimna mai leh sorkar lai beih chak vang hrim hrim niin a lang. Sorkar hmasate hunlai khan kawngpui a chhe thin hle a, mipuiin kan hre vek a ni, hmun thenkhatah phei chuan khawpui chhung kawng chhia leh tui tlingah buh te an inphun sak hial a nih kha, kumin fur khat pawh daih lo kawngpui pawh hi sorkar hmasa siam tho kha a la ni.
ZPM Sorkar hian kumkhat em pawh sorkar nan hun a la hmang lova, kum tam tak lo sorkar tawhte tih theih loh ti nghal vek tura eptu party lamin mipui hnena beiseina diklo an tuh thin hi a pawi hle a, ZPM in sorkarna a chan tirh atangin hna thawhna hun tak tak hi a la awm meuh lo a, Sorkar kalphung anga 9th legislative assembly session hun rei tak chhung neihte, MP Election Model Code Of Conduct in hun rei tak min phuar vangte khan ZPM Sorkar hian hna thawh nan hun a la nei tlem em em a ni. Eptu party workerte hian tuna an aupui mek leh sorkar leh a changtu minister dem nana an hman hi an hotute kawngpui siam ngei kha a ni a, fur khat pawh a daih lo a ni zawk.
PWD changtu minister Pu Vanlalhlanna hmalaknain kawng chhe siamna tur ruahmanna hi siam vek tawh a nia, fur lai a nih avangin hmalak a harsa a heng kawngpui chhiate hi la siam that theih a ni lo. Fur a zo anga, kawng chhe siam hna thawk tura ruahmanna peih sa vek tawh hi sorka chuan a taka hmalak thuai a tum a ni.
Issued by
Media, IT & Publicity Department
ZPM General Headquarters, Aizawl
Issue No.156 of 2024
Dated 28th August, 2024.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: