CK Hyundai Independence Day 9 Ball Pool Championship 2024 Semi Finalist a chiang ta!

Aizawl | August 14, 2024: Mizoram Pool player ṭha 16 thlan chhuahte inlanna CK Hyundai Independence Day 9 Ball Pool Championship 2024 chu vawiin khan chhunzawm niin semi finalist a chiang ta!

CK Hyundai Independence Day 9 Ball Pool Championship 2024 Semi final-ah hian Lalrina Renthlei, PB Liansangzuala, Lalsangzela leh T Laltanpuia te an inhawlh tling.

Quarter Finals-ah hian Lalrina Renthlei, Tuikhuahtlang chuan, 6 - 4 in Zonuntluanga, Electric veng chu hnehin Semi Final a inhawlh tling.

Khatla south veng mi ve ve, Lalsangzela leh John Laldinsanga te an inkhel a, 6 - 1 in Zela a chak a, Semi Final a inhawlh tling bawk.

PB Liansangzuala, Dawrpui veng leh T Laltlansanga, Lunglei te an inkhel a, 6 - 2 PB Liansangzuala a chak a, Semi finals a inhawlh tling bawk.

T Laltanpuia, Upper Republic Veng leh Lalchhandama, Dinthar te an inkhel a, inhnehtawk taka tawk an inchak chhawk zak zak hnuah 5 - 5 niin a tawpah T Laltanpuia vannei zawkah ṭangin 6 - 5 in Semi finals a inhawlh tling bawk a ni.

Quarter Finals hi race to 6 a khelh a ni a, Semi Final hi Race to 7 a khelh a ni ang a, Final hi Race to 8 a khelh a ni bawk ang.

Semi Finals hi naktuk August 15 chawhma dar 11 hian khelh ṭan a ni ang a, match hmasa zawkah Lalrina Renthlei, Tuikhuahtlang leh T Lalṭanpuia, Upper Republic te an inhmachhawn ang a. Semi Finals match hnuhnung zawkah PB Liansangzuala, Dawrpui leh Lalsangzela, Khatla South an inhmachhawn thung ang.

CK HYUNDAI Independence Day 9 Ball Pool Championship 2024, hi Mizoram Snooker & Billiards Association (MSBA) buatsaih niin, August 13 aṭang khan Millennium Centre Atrium-ah khelh a ni a. CK Hyundai chu main sponsor niin, Co-sponsor te chu Mahindra Tractors, Cafe Desire, Mualhawih Picnic Spot, Pepperfry Bawngkawn, Marlboro te an ni a. He Championship hi Explore Mizoram Youtube channel-ah live a pekchhuah a ni.

CK Hyundai Independence Day 9 Ball Pool Championship 2024

Day 3 - August 15, 2024

1st Semi Finals : 11:00 AM

• Lalrina Renthlei, Tuikhuahtlang vs T Lalṭanpuia, Upper Republic

2nd Semi Finals : 1:00 PM

• PB Liansangzuala, Dawrpui vs Lalsangzela, Khatla South

Final : 3:30 PM