I KAWPPUI TUR THLANG FIMKHUR RAWH

_Min Ti Danglam Ta_

I KAWPPUI TUR THLANG FIMKHUR RAWH

-  Rick Warren 

-  July 31, 2024

“Mi fel chuan fimkhur takin thian an thlang.” (Thufingte 12:26 NIV)

Thian hi fimkhur taka thlan tur a ni. Damchhunga i kawppui tur ai mahin i thlang fimkhur tur a ni. I thlan ngei a ngai dawn tih hre bawk ang che. Pathianin a hruaiin, a puiin, kawng a kawhhmuh ang che. Amaherawhchu, kawppui tur thlan chungchangah leh nupui/pasal i neih leh neih loh pawh i duhthlannaah a awm a ni.

Mi thenkhat chuan, an kawppui tur chu mi pakhat chauh an piang niin an ngai nghet bur a.

Chu chu ngaihdan mai a ni a, a dik lo a ni. Bible nen a inmil lo va, a innghahna a dik lo bawk a ni. An tan mi pakhat chauh an piang a nih chuan, mi pakhatin thutlukna siam fuh lo sela kan vai buai vek dawn tihna a ni.

Hetiang hian han ngai chhin ila, Susan-i chu ka nupui tur a ni a. Nimahsela, Kay-i ka nei ta daih si a. Susan-i chuan mi tu emaw pasalah a nei a, chu pawh chu mi tu emaw pasal tur a ni. Chu chuan khawvel mi chi hrang hrangte a tibuai nasa hle tihna  a ni.  

Pathianin i kawppui atana  a duh loh an awm nual a rinawm. Nimahsela chuti chung pawhin duhthlan tur i la nei thei cheu a. Chung hunah chuan duhthlan theihna i nei. Nangma ngaihdanin i kal thei a ni.  

Thenkhat ten ngaihdan an neih bur a awm leh a: Innei tur chuan hmangaihna nei ila a tawk an ti a.

Innei tumte hi ka lo kawm nual tawh a. A chang chuan ka han ngaihtuahpui hian, ‘kawng a awm lo’ hian ka hre thin. Chhungkaw dinhmun, thlarau innghahna emaw rilru puthmang emaw te chu a fuh tawk lo a ni. Chakna emaw tumna emaw an neih dan a inchen lo va. Thil tum leh thil an ngaihhlut dan a inchen lo va. Nimahsela “an inhmangaih” thung a ni.

I hmangaih avang khan i nei tur tihna a ni chuang lo.

Pathianin i neih tur chu a rawn hrilh chat lo che pawh a ni thei. Nimahsela thutlukna dik taka i siam theih nan inkaihhruaina a pe che a ni. Naktuk lamah kawppui zawn dan chu sawi kan tum zawk dawn nia.

A pawimawh hmasa berah chuan, ringtu i nih chuan, i nunah leh thlaraua i thurualpui theih tur i ringtupui i nei tur a ni. 

Kawppui tha neih aia thilpek hlu tlem a awm. Pathian hruainaa kan innghah hian thutlukna fing min siamsak thei. 

Ngaihtuah zui atan

* Mi thenkhatin, an kawppui tur chu mi pakhat chauh an piang niin an ngai nghet bura chu chu i awih em? Chu chuan Pathianin mihringte hi duhthlan theihna min pe tih hi engtin nge  a hriatchhuahtir che?

* I thiante emaw i chhungte emaw atangin an inrem lo chung pawh hmangaihna avang chauha innei i hmu em? Anmahni atang chuan engnge i zirchhuah?

*  I thiante emaw i chhungte emaw kawppui tur fimkhur taka thlang engtikah nge i hmuh? Anmahni atang chuan engnge i zirchhuah?

*Vawiinah hian Isua i zui ang em?*

Pathianin a thatna chu Fapa, Isua Krista kaltlangin a tilang tawh a. Bible chuan, “Pathianin khawvel a hmangaih em em a: Chutichuan a Fapa mal neihchhun a pe a, amah chu tupawh a ring apiang an boral lohva chatuana nunna an neih zawkna turin” a ti. Johana 3:16

Chatuana in nun theih nana Pathian thutiam chu ring turin i inpeih em? I inpeih a nih chuan, hetiang hian tawngtai rawh: “Ka sualnate ka puang a, ka Lalpa leh Chhandamtu atan Isua hi ka pawm e. I hnung zuia, i rawngbawl ka duh e. Ka nun tlawm tak hi ka hlan che a, i angchhunga min pawma min chhandam ve turin Isua hmingin ka dil a che. Amen”

Hetianga i tawngtai a nih chuan, Rick@PastorRick.com ah hian email min lo thawn la. Isua nena zinkawng i zawh tanna atana pawimawh te a thlawnin ka lo thawn ang che.

[Lettu : Sangpuia]