Dan thar pathumte inhrilhhriatna hun hmang

Aizawl | July 11, 2024: Vawiin chawhma dar 11 khan Aizawl SP Conference Hall-ah Aizawl SP leh Aizawl DEF buatsaihin Journalist-te tana India dan thar pathum July 1 atanga hman tharte inhrilhhriatna hun Aizawl SP Rahul Alwal, IPS hovin hman a ni.

He hunah hian Dy SP (Hqrs) Jessica Lallawmzuali leh All Women Police Station Inspector OC Lalsangpuii te'n thuthar thehdarhtute chu India-in IPC, CrPC leh Evidence Act thlak nana July 1 atanga a hman thar Bharatiya Nyaya Sanhita (BNS), Bharatiya Nagarik Suraksha Sanhita (BNSS) leh Bharatiya Sakshya Adhiniyam te an hrilhfiah.

July 1 atang khan Indian Penal Code (IPC) chu Bharatiya Nyaya Sanhita (BNS) in a thlak a, Criminal Procedure Code (CrPC) chu Bharatiya Nagarik Suraksha Sanhita (BNSS) in a thlak a, Indian Evidence Act (IEA) chu Bharatiya Sakshya Adhiniyam (BSA) in a thlak bawk a ni.