11th Mizoram Inter School Chess Championship 2024 tan a ni

Ni 4 awh awh tur 11th mizoram inter school chess championship 2024 chu July ni 1, 2024 (Thawhtanni) hian Ramhlun indoor stadium ah khelh tan a ni.

A hawnna in khawmah hian Er Lalchhuana president mizoram chess association chuan thusawina hun hmangin zirlai naupang chess khel thiamte fuihna thu a sawia, duhsakna hlanin he tournament hi a hawng a ni.

He tournament ah hian school hrang hrang 37 atangin zirlai naupang chess khel thiam mi 655 an tel a. Player tel tam ber kum niin nikum aiin player 100 laiin an tam ani, inter school chess championship ah hian player hi kumtin in a pung chak hle a ni.

Tunah hian school hrang hrang 24 ah chess in school (cis) programme kalpui mek a ni a. Hei hian chess player atipung chak hle a ni.

Player 655 hi Hall in a dawl zawh loh avangin tournament hi tum 2 ah then sawm niin dt 1&2 july hian primary leh middle school ten an khel anga, primary leh middle school atangin player 359 an tel a ni.

dt 3&4 july hian high school leh higher secondary school ten an khel leh ang. Highschool leh higher secondary school ah hian player 296 an tel a ni.

He tournament hi Dt. 4.july ah khelh zawh tur niin hemi ni hian lawmman semna neih a ni ang.