NEXA GIG Motors MBA Official Championship 2024: Sainunmawia Doubles champion

June ni 25 - 29, 2024 khan Ramhlun Indoor Stadium-ah NEXA GIG Motors MBA Junior Official Championship chu zawh fel a ni a,  Sainunmawia Sailo, Ramhlun Venglai, Sihphir Badminton Club chu singles category pahnih ah champion in, doubles category pakhat ah pahnihna ni bawkin doubles champion a ni. 

He tournament-ah hian player 215 ltelin Entry 279 an awm. He Championship hi Mizoram Badminton Association leh Tata Trusts (NEIDA) te thawhhona hmanga buatsaih a ni. 

State Championship hi Badminton Association of India (BAI) calendar a lang pha tournament anih avangin ngaihhlut a hlawh a. Tournament khel tur in Mizoram pawn leh chhunga Academy hrang hrang atangin player an rawn pungkhawm. 

Tournament khel pawh an thahnem hle a, match 264 lai awmin Official Junior Championship-ah tel an tam ber tum a la ni. Tournament kharna inkhawm a Khuallian, Pu Jeje Lalpekhlua, MLA chuan Mizo naupang ten sports lamah talent an neih that thu sawiin, India ram champion ni mek leh la ni thei tur te zinga awm nuam a tih thu a sawi.

Hlawhtling tura thuawih pawimawh zia te, midang aia nasa a thawhrim a pawimawh zia te, beidawng lo a beih hram hram pawimawh zia te a tawnhriat atangin a sawi a, Hlawhtlinna eng pawh chang ila, kan lo chhuahna theihnghilh lo turin kalkhawm te a chah bawk a ni. 

Pi Zoramthangi, Director, Women and Child Development chuan kharna inkhawm ah thu sawiin, MBA tournament lianah hmeichhe naupang tel an tam chu lawmawm a tih thu a sawi a ni. 

He tournament-ah hian Mizoram player tha te chu an tel kim hle. Chung zinga hming langsar ber chu Sainunmawia Sailo a ni. Mawia hian Under -17 Boy's singles leh Under-19 Boy's singles-ah te Champion thei tura beiseiawm, Malsawmhlua leh C. Lalramsanga te deciding game-ah a hneh ve ve a. Tin, Under-19 Boy's doubles-ah Vanlalpekhlua Sailo nen tangdun in, lawmman pahnihna an dawng bawk. 

Tin, Malsawmhlua (Mama), Serchhip, Ralte Villa BC chu category pathum a final lut thei a ni bawk. Doubles specialist niin, a telna Boy's doubles category pahnih, U-17 BD leh U-19 BD-ah te a champion a, U-17 Boy's singles-ah Mawia hneh lo in pahnihna a ni thung. 

Hmeichhe lamah Kolasib naupang duhawm, Tirza Lalremruati, North Kolasib GSA chu category 3-ah final a lut bawk a. Heng zingah hian U-13 Girl's singles leh U-13 Girl's doubles-ah te champion in, U-15 Girl's singles-ah pawh pahnihna a ni. 

Hmeichhe lama inelna hautak ber, U-19 Girl's singles ah Lalrinkimi, Mission Veng Badminton Academy chuan Lalrempuii, Ralte Villa BC chu deciding game ah a hneh bawk. 

He tournament-a doubles champion thei zingah Mesak Lalrawngbawla, Ralte Villa BC hming a langsar hle bawk a. U-15 Boy's singles leh U-15 Boy's doubles-ah a champion kawp a ni. Denis Romawia Rivung, Chaltlang BC pawh category pahnih ah tho champion in, U-13 Boy's singles leh U-13 Boy's doubles champion no mawi a chawi haw a ni.

RESULT

U-11 Boy's Singles:

Champion: Gabriel Vanlawmkima, CSC

Runner up: Lalmalsawma Lianhna, MVBA

U-11 Girl's Singles:

Champion: Lalruatkimi, NSBC

Runner up: Rosalin Lalmalsawmi, Tuikual BC

U-13 Boy's Singles:

Champion: Denis Romawia Riving, CTBC

Runner up: K. Liansangzela, RUBC

U-13 Girl's Singles:

Champion: Tirza Lalremruati, NKGSA

Runner up: T. Lalmuanpuii, BCR

U-15 Boy's Singles:

Champion: Mesak Lalrawngbawla, Ralte Villa BC

Runner up: HT Rohminghlua, CTBC

U-15 Girl's Singles:

Champion: Zoramthari, CSC

Runner up: Tirza Lalremruati, NKGSA

U-17 Boy's Singles:

Champion: Sainunmawia Sailo, SPBC

Runner up: Malsawmhlua, Ralte Villa BC

U-17 Girl's Singles:

Champion: H. Lalrinhlui, CSC

Runner up: Zoramthari, CSC

U-19 Boy's Singles:

Champion: Sainunmawia Sailo, SPBC

Runner up: C. Lalramsanga, MBC

U-19 Girl's Singles:

Champion: Lalrinkimi, MVBA

Runner up: Lalrempuii, Ralte Villa BC

U-19 Boy's Doubles:

Champion: Malsawmhlua, Ralte Villa BC & C. Lalramsanga, MBC

Runner up: Sainunmawia Sailo, SPBC & Vanlalpekhlua Sailo, CTBC

U-17 Boy's Doubles:

Champion: Joel Ramdinmawia, BCR & Malsawmhlua, Ralte Villa BC

Runner up: Vanlalhruaia Sailo  & Vanlalpeka Sailo, CTBC

U-15 Boy's Doubles:

Champion: HT Rohminghlua, CTBC & Mesak Lalrawngbawla, Ralte Villa BC

Runner up: Jacob Lalchhandama & Lalthuthlungmawia, NSBC

U-15 Girl's Doubles:

Champion: K. Lalrempuii & Lydia Lalnunfeli, SBC

Runner up: Lalruatfeli & Malsawmhlui Vanchhawng, NSBC

U-13 Boy's Doubles:

Champion: Denis Romawia Rivung, CTBC & K. Liansangzela, RUBC

Runner up: Abraham Lalnunthara, NSBC & V. Lalhmingmuanpuia, RUBC

U-13 Girl's Doubles:

Champion: Nora Lalrinzuali, SBC & Tirza Lalremruati, NKGSA

Runner up: Lalruatfeli, NSBC & Lalthakimi, SKBC

Issued by: MBA, Media & Publicity