Zirtirtu sawn duh lovin MZP Hnahthial-in dodal

Aizawl | June 21, 2024: Mizo Zirlai Pawl Headquarters: Hnahthial chuan vawiin ni 21st June, 2024 khan zirtirtu sawn chhuah su tura ngenna leh Principal sawn chhuaha, School awm chilh theitu mi hrisel pangngai sawrkar a kan ngenna thu lawmawm dawn a nih loh avangin Gov’t. Hnahthial Higher Secondary School zirtirtute office kai tur an dang.

MZP Headquarters Hnahthial chuan Gov’t Hnahthial Higher Secondary School-a zirtirtu indaih lohna kara zirtirtu sawn chhuah su tura ngenna leh Principal sawn chhuaha, School awm chilh theitu mi hrisel pangngai sawrkar a kan ngenna thu lawmawm dawn a nih loh avangin, Gov’t. Hnahthial HSS-a zirtirtute office kai tur chu a dang a. Ni 18th June, 2024-a School Education Department-in Transfer Order ngaihtuah tha leh tura thu a chhuah chu, Transfer Order sutna a nih loh avang leh Principal sawn chhuah a, a dang dah tura kan ngennain awmzia a awm loh avangin School/Office kai tur hi dan a ni.

Mizoram Sawrkar, School Education Department-in kan beisei leh duh te a tih hlawhtlin hma chu Gov’t Hnahthial Higher Secondary School zirtirtu leh zirlaite hi kar leh ni 24th June, 2024 (Thawhtanni) atang hian dan chhunzawm tuma ruahmanna siam a ni.