India rama Esports tournament ngaihlut hlawh ber BGIS 2024-ah Mizo tawng

Mizo tawng a cast turin Mizoram atang Caster Pathum thlan chhuah an ni.

Aizawl | June 21, 2024: India rama esports tournament lian ber leh ngaihhlut hlawh BGIS 2024 chu Mizo tawng ngei in cast a ni leh dawn a, hetah hian caster turin Mizo Mipa 2 leh Hmeichhia 1 an rawn thlang a ni.

BGIS 2024 Grand Final hi tun thla ni 28,29 & 30 hian Hyderabad ah LAN EVENT a khelh tur niin India rama tawng chi hrang 10 (sawm) thlan chhuah hmang in mipui nawlpui en theih turin a hmun a chhim theilo tan live telecast a pekchhuah a ni leh dawn a, chung tawng chi hrang sawm thlan chhuah te chu:

➢ English

➢ Hindi

➢ Tamil

➢ Mizo

➢ Telugu

➢ Marathi

➢ Kannada

➢ Gujarati

➢ Bengali

➢ Pubjabi

Mizoram atanga Mizo tawng a cast tura caster thlanchhuah techu :

1. Lalremsanga , Stage Name – PPA PACHUAU, Vairengte

2. Zomuansanga Khawlhring, Stage Name – H1k4 Gaming, Champhai

3. PC Lalhmingmuani, Stage Name – Sabrina, Lungpuizawl, Lunglei

Tun kum a BGIS 2024 Caster tur Krafton lam in an lo thlanchhuah ah hian Lalremsanga leh Zomuansanga te hi a vawi hnih kal na turin niin nikum lam khan BGIS 2023 an lo cast tawh a, experience an lo nei tawh a ni. Lalremsanga (PPA Pachuau) hi tun dinhmun a Mizoram a esports team tha berRiP Mizo Gaming Org. hruaitu lu ber ni lai mek ni bawk in mizoram a BGMI Casting lam a senior ber pawl leh tha berpawl niin kum 2020 atang a casting luhchilh tan in experience tam tak a lo nei tawh niin Krafton lam te pawn an hmelhriat tawh hle a ni. Nikum BGIS 2023 ah khan Mizo caster Tlangval Pathum kal in tun kum ah erawh a vawikhat nan hmeichhia telin hei hi hmasawnna ropui leh hmeichhe dang te tan kawng a in hawn ve zia ti lang tu a ni.

Mizo caster pathum te hian tun thla ni 26 hian Aizawl chhuahsan in Hyderabad an pan anga an zinna senso leh an thlen na tur hotel bakah an in senso man leh ei leh in thleng hian Krafton lam in an tum sak dawn a ni.

Tun dinhmun ah India ramah esports a bikin BGMI a thang em em a, Mizoram ah pawh thalaite’n an khel nasa in, Mizo Thalai zingah a tla na in mi tam takin eizawnna an hmang chho mek tih hria in Krafton lam pawh in Mizoram an duhsak thar em em a, chuvang chuan nikum BGIS 2023 ah pawh khan Mizo tawng hi an lo telh tawh nghe nghe a, Mizo thalai te a hip in thlir tu pawh Mizo tawng hi Hindi tih loh a tam ber a ni nghe nghe a ni.