NUN INBUKTAWK NEIHNA BUL: ISUA

_Hun Rei Daih Thil Ngaihlu Tura Nun Buatsaih

-  Rick Warren 

-  June 19, 2024

“A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u nia.” (Matthaia 6:33)

Nun inbuktawk neih i duh chuan, engtiklai pawha entawn atan tha Isua i nei. I nun laipuiah i dah tlat chuan i nun chu a inbuktawk lehzual ang.

I nun chu tawlailir ke ang a ni a. Tawlailir ke lai tak chu a virkual lai hi a ni. A dang a zawmtute chu i nuna bet tlat te (inlaichinna, chhungkua, hna, i thil tum leh adangte) ang anni thung. Kan nun laipui leh a chhehvelah kan khawsa tlangpui a. Zawhna pawimawh tak chu, eng hi a laipuiah chuan i dah ve? I chhungkua nge? I eizawnna nge? I sum?

  

Nge Isua zawk?

I nun insiam chhoh vel dan chu engtin nge i hriat ang? I ngaihtuahnaa lut apiang kha han ngaihtuah teh. Chu chuan i nun a kaihruai daih tawh a ni.

Nun inbuktawk nei tur chuan i nun laipui ber kha a pawimawh a ni. Nun laipui nghet i neih chuan nun nghet i nei thei ang. Nun laipui nghetlo i neih chuan i nun pawh a nghet lo vang. Mi thenkhatin an nun a nghehloh thu min hrilh thin a, a tlangpui thuin thil pakhatah a innghat a ni. Nun laipui diklo anneih vang a ni. Pathian aiin thildang an nunah an dah pawimawh vang a  ni. 

Nun laipui chuan nun nghet a siam bakah, thil dang kan nun min chimbuaitute pawh a thunun vek a ni. I nun laipuia i dah apiang chu i thiltihtheihna pawh a ni ang. Tawlailir ke pawh chutiang tho chu a ni, a sir kil vel ai chuan a laia virkual ber hi a pawimawh thin.      

Isua chu i nun laipui berah neih la, tichuan i mamawh tak nghehna te, thununna te leh thiltihtheihna te a pe ang che. Bible chuan, “A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u nia,” a ti. (Matthaia 6:33)

Isua chu i nun laipui ber atana i thlan chuan, i nun kawng dang - i chhungkua atanga i hna leh i thiltum thlengin - nun inbuktawk i nei thei ang. I nun a kaihruai anga, chakna leh nghehna pawh a pe ang che. 

Ngaihtuah zui atan

* I nun chu tawlailir ke ang ni ta se la, eng nge laipui berah i dah ang?

* Nun inbuktawk nei tura daltu lian ber nia i hriat engnge ni?

*  I nun laipuia Isua i daih theihlohna chhan daltu lian ber engnge ni? 

*Nun laipuia Isua dah tura pawimawh hmasa ber chu Isua hnena i nun i hlan hi a ni.*

Kan vai hian kan sual vek a – mahse Pathian chuan a hmangaihna leh ngaihdamna a lantir a. Bible chuan vanram chu Pathian rinna Fapa, Isua Krista kaltlanga in neih chauhin in lut thei ang a ti a. Vanram chu nangmaha i hlawhchhuah mai theih a ni lo. “Rinna avanga khawngaihnaa chhandam in ni; nangmahni thawhchhuah a ni lo va, Pathian thilpek a ni; thiltih avang a ni lo ve, chutilo chuan miin an chhuang dah ang e.” Ephesi 2:8-9

I sualna te i puang duh aniha, i nunah Isua i thlang duh anih chuan, heti hian tawngtai ang che.

“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a  ni.

“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”

Hetianga i tawngtai a nih chuan, Rick@PastorRick.com ah hian email min lo thawn la. Isua nena zinkawng i zawhtanna atana pawimawh te a thlawnin ka lo thawn ang che.

*[Lettu: Sangpuia]*