Aizawl | June 19, 2024: Mizoram Baptist Kohhran (Baptist Church of Mizoram) hnuaia ṭhalai - Mizoram Ṭhalai Kristian Pawl (MṬKP) bultumin Mizoram hmun hrang hrangah Ṭhalai Kristian Pawl (ṬKP) memberten, 'Hriselna atana tlan' hun an hmang.
Aizawl-ah chuan tukin dar 6 khan Vanapa Hall kawt aṭangin Aizawl Khawpui chhunga ṬKP Memberte chhim leh hmar zawngin an tlan.
'Hriselna atana tlan' hawnnaah hian, Health & Family Welfare Minister Lalrinpuii chuan khuallian niin a hmanpui a, ṬKP Member hriselna atana tlan turte a vai liam bawk.
Health Minister chuan, "hriselna atana tlan a pawimmwh thu sawiin, taksa sawizawi bakah hian kan ei leh in te uluk a ṭul thu a sawi a. Ṭhalaite kalkhawmte chu hriselna atana tlan a, an nun leh ei leh in uluk a, taksa hriselna tichhe thei ei tur laka fihlim turin a chah bawk.
'Hriselna atana tlan' hi Vanapa Hall kawt aṭangin an ṭan a, Vanapa Hall aṭang hian inṭhenin chhim lam leh hmar lam hawi zawngin ṬKP memberte an tlan a ni.
He hunah hian, Aizawl khawpui chhunga ṬKP member te an pungkhawm a ni.
'Hriselna atana tlan' hi MTKP rorel 2024 in a pawm, Hriselna kawngah MTKP in hmala rawh se tih bawhzuina a ni.
Aizawl bakah hian, Mizoram chhung khaw hrang hrangah 'hriselna atana tlan' hi an kalpui a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
.
Post a Comment
He post chungchanga i ngaihdan lo sawi ve rawh: