India hmar chhaka football hruaitu intel khawm, North East Football Development Council General Body Meeting chu vawiin (June 22) khan Guwahati-ah an nei a, hruaitu thar thlangin Mizoram Football Association President Lalnghinglova Hmar chu President tharah thlan a ni.
NFDC General Body hian Dr T Ao Football kalpui dan chu tun aia mumal zawka kalpui an duh a, DoNER ministry dawr ni se, tiin an rel.
Hei bakah hian India hmar chhak state-te inelna kalpui dan tur rel a ni a, hemi atan hian sponsor turte nen indawrna kalpui mek a nih thu leh thawhho dan tur zir chian mek a nih thu report a ni.
All India Football Federation hriatpuia kum 2020-a din NEFDC hi hmar chhak state-a football hmasawn zelna tura din a ni a; tun țum meeting-ah hian state pariat aiawhte an tel kim a, Assam Football Association-in a thleng a ni.
Hruaitu thlan thar zingah hian General Secretary atan Kipa Ajay, Arunachal Pradesh thlan a ni a, ani hi AIFF lama Treasurer ni lai a ni a; Senior Vice President-ah Menla Ethanpa, Sikkim thlan niin ani hi AIFF Executive Committee Member a ni mek bawk.
Post a Comment
He post chungchanga i ngaihdan lo sawi ve rawh: