Lunglei West Bialtu MLA T Lalhlimpuia'n Sialsir-ah YMA Day hmanpui

Aizawl | June 15, 2024: Lunglei West Bialtu MLA T Lalhlimpuia chuan Sialsir-ah khuallian niin YMA Day a hmanpui a, Sialsir Branch YMA in chawimawina an hlan bawk.

MLA T Lalhlimpuia chuan, Khuallian atana Bial pawn (Constituency dang) daih a an sawm leh an duhsakna avangin lawmawm a tih thu te, Khaw upa leh Mizo History a pawimawh em em, mizo ten kan hriat larna Sialsir Parliament hial te an lo thleng tawh a. 2022 ah National Water Award lai dawng theiin an awm a, khaw vannei leh khua inhmangaih an nih thu te, Sialsir pi leh pu te chhana khawchhuak a ngaihhlut thu te a tarlang a, Sialsir atangin mi chhuanawm tak tak an lo chhuak tawh a, chung zinga chhiar tel ve a nih thu te a lawmthu sawiin hun lo kal turah a tihtheih ang ang ti tura a inhuam thu a sawi bawk.

Sialsir hi khaw taima, mahni intodelh khua an ni a, sorkar tharah mahni dawnthleng theuhah dawng thei turin taimak chhuah sauh sauh turin a fuih bawk.

T Lalhlimpuia hian Sialsir Branch YMA te mamawh hrang hrang tihlawhtlin sakin a hlan bawk.

Sialsir Branch YMA hian Ni 14 June, 2024 zan atangin kumin YMA day programme hi hmang tanin zanin thlengin YMA day programme tha tak an hmang a. YMA day programme hmanna-ah hian Zirlai ti tha te chawimawina, YMA member hlun chawimawina te, Lengkhawm zai intihsiakna leh Central YMA Kumpuan 'Ram leh hnam humhalh' inzirtirna hun tha tak an hmang a. Day chawhnu lamah intihhlimna hun hlimawm tak an hmang bawk.

Sialsir Branch YMA ah hian member 180 vel awmin Tuichangral South Group YMA hnuaiah awmin Serchhip Sub. Hqrs. YMA Hnuaia awm mek an ni bawk.