Kawnpui College-a CSR Project endik

Aizawl | June 14, 2024: Vawiin ni 14 June, 2024 khan NTPC, Bongaigoan, Assam atangin Pranami Handique, Sr. Manager (HR) leh Aduity Thakuri, CSR Executive te chuan Kawnpui College, CSR atanga Smart Class project kal mek chu endikna an rawn nei a, he hunah hian Mizo Students Union (MSU) General Headquarters, Aizawl atangin Vice President Pu Laldinsanga'n a ho a ni.

NTPC atanga lo kalte chuan Kawnpui College-a Smart Classr project an kalpui chu tha an tih thu sawiin, a nih dan tur ang taka an kalpui naah an lungawi hle a ni. Zirlaite chuan an zirna kawngah nasa takin hmasawnna a thlen an beisei bawk a ni.

NTPC leh MSU General Headquarters, Aizawl te chu Kawnpui College Staff te leh MSU Sub-Headquarters, Kawnpui te chuan tha takin an lo dawng sawng a ni.

MSU CSR kaltlangin NTPC hian Kawnpui College-a Smart Class siamna tur hian ₹380,314 an tum a ni. Class pathumah hian Digital/Smart Class hi dah vek a ni. MSU leh NTPC chuan hun reiloteah a hawnna hun neih thuai an beisei thu an sawi.