Aizawl | June 14, 2024: BJP Mizoram chuan vawiin 14th June, 2024 hian Friday Political Session neiin, Pu Vanupa Zathang IPS (Retd), State Vice President-in inkhawm a kaihruaia, Dr K. Beichhua MLA, State Core Group Member-in thusawina hun an nei a ni.
Dr K Beichhua chuan, "India ramah Pu Modi kaihhruai Sorkar a zawna vawithum nan kan hmu leh ta a, Sorkar tharah hian Mizoram erawh chu kan hai a, awn lam kan nei lo hi a pawi takzet a ni," a ti.
Dr K Beichhua chuan, "India Ram ah Pu Modi kaihhruai NDA Sorkar ngelnghet leh chak tak kan nei leh mek a, State dang zawng zawngte chuan an State tana hamṭhatna hrang hrang an hmuh theih nan NDA Support in hma an la mek a, keini State erawh hawi lam nei lovin, tumah kan Support lo ang mai kan nih avangin kan hawihil hle dawn thung niin a lang a ni. Central-a Mizoram kan tlaknat dan hi teh ta ila, tun dinhmun ah hian Zero Level emaw chu aia hniam Minus one (-1) a ni a, Central aṭang hian beisei kan nei chaurau viau dawnin a lang a ni. Chuvangin Mizoram mipuite kan ṭhanharh a hun ta, kan state ringawt thlir lovin state dangte pawh kan thlir tel ve a hun ta bawk. Chutianga Mizoram tan ke kan pen chhuah hun hunah Mizoramah Development kan beisei dik tak hi kan hmu thei dawn a ni," a ti.
Pu Beichhua chuan, "Mizoram mipuite hian hlauh tur dik tak kan hlauh a, hlauh loh tur pawh kan hriat a hun takzet a ni. Hetiang renga kan kal a nih chuan kan ram dinhmun hi ngaihtuah ngam loh khawp a ni hial ang. Nimahsela Mizoram khawpui ber Aizawl ah BJP ṭhat zia hria a, huaisen taka Vote tute avangin, beiseina kawl a êng ve ta zel thung a, Kum 2028 ah chuan Mizoram ah BJP Sorkar kan nei ngei a tawh anga, kalphung thar nilovin, System awmsa chu ṭha taka kalpui chunga Mizoram ah Sorkarna kalpui a nih theih nan Mizoram mipui te'n BJP hi min thlang ngei dawn a ni," a ti bawk.
Vawiin vek, tlai lam Dar 4:00 khan BJP Mizoram chuan AMC Ward-19 ah Campaign beihpui thlakin, Tlangnuam Hridai Kawnah Street Campaign neiin Campaign bul ṭan a ni bawk.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: