Veteran Football Final-ah Ward IX leh Lengpui Veteran

GIG Motors Veteran Football Tournament 2024  chu May ni 7, Thawhlehni hian 1st MAP Ground, Armed Vengah semifinal khelh a ni a. Ward IX leh Lengpui Veteran chuan an khingpui hneh ve ve in final an lut. Final hi May ni 9, Ningani chawhnu dar 1:00-ah khelh tur a ni.

12:00PM Ward II 2-3 Ward IX

(R. Lalrinkima 6', VL Ramdinthara 33' ) (H Vanhlupuia 14', S Malsawmtluanga 19', Lalchuailova 55')

Inkhel hmasa zawkah Ward IX chuan 3-2 in Ward II an hneh. First half-ah goal 3 a lut a, Second half-ah goal hnih a luh belh bawk. Inkhel tan a ni a, Ward II tan minute 6-ah Rinkima chuan an goal hmahruai khung mahse minute 8 aral hma in Ward IX tan S Malsawmtluanga ball pek atangin Vanhlupuia chuan an siphurh a rul. Minute 5 aral leh hmain S . Malsawmtluanga (Mama) chuan goal khung belh in Ward IX chuan 2-1 in hma anhruai a, chawlhlawk an hmang.

Second half-ah goal hnih a luh belh bawk. Second half tan a ni a, minute 3-ah Ward II tan  Ramdinthara chuan an siphurh sutin 2-2 in an inhneh tawk zui a, goal lut a awm tawh dawn lo emaw tih hnu huntawp dawn minute 5 ala awmin S Malsawmtluanga ball pek hmangin Chuailova chuan an chakna goal a khung a, Ward IX chuan 3-2 a hnehna changin final an lut ta a ni.

1:30PM Aizawl South III 3-3 Lengpui Veteran

(Vanlalngheta 13', 60+5', Laldinpuia 79')  (Vanlalpeka 3', Rohmingthanga 30+2', 75')

(Penalty Shootout-ah Lengpui Veteran 4-3 in an chak)

Inkhel hnunghnung zawk Aizawl South III leh Lengpui Veteran te hunpangngaiah 2-2 in an inhneh tawk a,  hunpek belh ah 3-3 in an inhneh tawk leh a, penalty shoot out-a chak zawn zawn a nih hnuah Lengpui Veteran chuan 4-3 in an hneh.

Inkhelh tan a ni a, Lengpui chuan nawr nghalin minute 3-ah Vanlalpeka chuan an goal hmahruai a khung. Minute 13-ah Aizawl South III  tan Vanlalngheta chuan an siphurh a sut hnuah huntawp dawn added time-ah Lengpui tan Rohmingthanga chuan freekick atangin an goal hnihna a khung a, Lengpui chuan  2-1 a hmahruaiin chawlhlawk an hmang.

Second half-ah Aizawl South III chuan inkhel thunun zawkin an siphurh sutna hun tha nei nual mahse an pet goal thei mai lo. Lengpui in 2-1 in hnehna an chang mai dawn emaw tih hnu huntawp dawn added time-ah Aizawl South III tan Vanlalngheta chuan an siphurh a sut a,  Chak zawk awmlo in hun a tawp zui ta a ni.

Hun pek belh an ni a, team pahnih te an innawr tawn zak zak hnuah huntawp dawn minute 5 ala awmin goal hnih a lut. Lengpui tan David-a ball pek luh tha zet chu Rohmingthanga chuan goal-ah chantirin an goal thumna khung mahse Aizawl South III tan Vanlalngheta chuan an siphurh a sut zui nghal. Chak zawk awmlo in 3-3 in an inhneh tawk.

Penalty shoot out-in chak zawk zawn a ni a, Lengpui chuan 4-3 a hnehna changin final an lut ta a ni.