MI DANG MAMAWH TURA SIAM I NI

_Rinna huaisen_

-  Rick Warren 

-  May 7, 2024

“Amah azarah taksa pumhlum chuan inzawmna tinreng thawh avanga rem taka inchuktuah leh inzawm khawmin, peng tin thawhzia ang theuhvin hmangaihnaa insiam tha turin taksa chu a lo tipung thin a ni.” (Ephesi 4:16)

Nangmah maia i zirchhuah theihloh thil a awm a. A huhova zir chi a awm ve a ni. I theihna ti punga, ti hmasawn turin mi dang hnen atanga i zir a ngai a ni. 

Entirnan, ngaihdamna te hi inlaichinna atang chauhva zirchhuah theih a ni a. Nangmah chauh chuan i zirchhuak thei lo vang. Rinawmna pawh inlaichinnaah chuah a zirchhuah theih a ni. Zaidamna emaw rinawmna emaw khawngaihna emaw tlawmngaihna emaw te hi mi dang tel lo va zirchhuah theih a ni lo.

Chu chu khawi hmunah nge zir ila tha ber ang? Pathian chhungte ah a tha ber. Krista taksa nena inzawm chungin i zir thei ang.  

Ephesi 4:16 ah chuan, “Amah azarah taksa pumhlum chuan inzawmna tinreng thawh avanga rem taka inchuktuah leh inzawm khawmin, peng tin thawhzia ang theuhvin hmangaihnaa insiam tha turin taksa chu a lo tipung thin a ni.” 

Chuvang chuan a lawm pawlho (small group) a tel a tul ka tihna chhan - a tangkai em a ni. Pawlho a intatlut tam tak chuan an hlawk puia, kal ngaihna hre loten kawng an hriat phaha, rawngbawldan an hriat phah bawk a ni. Pathian chhungkuaa tel chuan danglamna a thlen thin. Harsatna inhrilhtawn te, harsatnaa inhawn zau te leh incho phur tawnte hian kawngro nasa takin a su a ni.

 Engvangin nge nun inhrilhtawn chuan danglamna a thlen? A chhan chu hlawhtling tur ringawta duan i ni lo. Tangkaina nei tura duan i ni zawk. Nun hmanchhuah dan duhawm ber chu midang nena inlaichinnaah te, midang pekchhuah te, intanpuitawn leh chibai buk hote hi a ni.

I nuna mi dang Pathianin a ruatte chu i mamawh a ni. An mamawh ve tho che. Pathian chuan inmamawh tawn tur leh inzirtawn turin min dah a ni. Midang nena in inkungkaih hian nangmah chauhin i tangkai pui lo va. Mi dang pawh an nih tur ang an nih theihna turin i pechhuak ve a ni.

Kan in mamawh tawn a ni.

Ngaihtuah zui atan

* In kohhran emaw i thianzaho hnen atangin zirlai engnge zirchhuah i neih?

* Engvangin nge Pathianin a huhova khawsa turin min duan nia i hriat? Pathian nungchang engtin nge a tarlan? 

* Kohhrana i chanvo tur Pathian eng nge a pek che? I hre lo anih chuan, i chanvo tur hre turin engtin nge tan i lak ang? 

*[Lettu: Sangpuia]*