Ather Pro Volleyball League 2024 LPS Arena, Falkland a khelh mekah May 6, 2024 (Thawhṭanni) zan khan Luangmual hmeichhia chuan 5-0 (15-12, 15-10, 15-10, 15-4, 15-9) in Durtlang an hneh. Kuriz Player of the Match-ah Lalramliani (Luangmual) chu thlan a ni.
May 7, Thawhlehni zan dar 8:00-ah Mipa Hlimen leh Hunthar te an inhmachhawn ang. Hlimen hian khelh khat khel tawhin hnehna an chang, Hunthar hian khelh hnih khel tawhin hnehna an chang ve ve bawk.
Luangmualin set nga la vekin point nga an hmu a, Pro Volleyball-a an tel tirh aṭanga vawi 10 an khelhna niin an chak vek a ni. Durtlangin ṭum hnih an khelh tawhah set lak an nei lo va, 2019 champion an nih aṭangin Pro Volleyball-ah chak an nei zui tawh lo va, khelh 10 an tlawm zawnna a ni.
Luangmual tan Lalramliani chuan point 11 a thawk chhuak a, Lalhriatpuii leh Lalbiakngheti chuan point hmuh 8 ve ve an thawk chhuak. Durtlang tan Sarah Lalsuiengi chuan point hmuh 12 thawk chhuak mahse a team te hnehna a chanpui zo lo.
POINT TABLE HMEICHHIA
LUANGMUAL : Play 3, Won 3, Loss 0, Point 12
DIAKKAWN : Play 3, Won 1, Loss 2, Point 8
SERKAWN : Play 2, Won 1, Loss 1, Point 5
BUNGKAWN : Play 2, Won 1, Loss 1, Point 5
DURTLANG : Play 2, Won 0, Loss 2, Point 0
Post a Comment
He post chungchanga i ngaihdan lo sawi ve rawh: