Pro Volleyball League / Durtlang North a sang pali zingah an awm

May 16, 2024 (Ningani) zan  Ather Pro Volleyball League-ah Durtlang North chuan 3-2 28-26, 27-29, 22-25, 25-20, 15-6 a Chhinga Veng Spikers hnehin an dinhmun an siam tha a, semifinal khel turin beiseina thar an nei.

Inkhel inhneh tawk takah set an in lak chhawk zak zak a, set 2 ve ve an lak hnuah Durtlang North chuan 15-6 a hnehna changin hnehna an chang ta a ni. He inkhel ah hian Durtlang North tan a player pawimawh Johan Vanneihsanga chuan point 32 hlawh chhuakin point 12 hloh mahse, point thawk chhuak hnem ber a nih bakah Kuriz Player of the Match-ah thlan zui a ni bawk.

Durtlang North hian khelh li khel tawhin point 5 an nei tawh a, table-ah pali na ah an in hlangkai ta a ni. Chhinga Veng hian khelh li bawk khel tawhin point 3 an nei tawh a, panga na din hmun an hauh mek thung. Team pahnih te hian khelh khat ve ve an la nei a, hnehna chan erawh an mamawh ve ve bawk.

DURTLANG NORTH

Johan Vanneihsanga : point hmuh 32, point hloh 12

Thangminlal Guite : point hmuh 21, point hloh 13

H Malsawmsanga : point hmuh 19, point hloh 5

Vanlalthuama : point hmuh 10, point hloh 1

Shashank Kandpal : point hmuh 13, point hloh 10

CHHINGA VENG SPIKERS

Yougank Baliyan : point hmuh 34, point hloh 14

Lalneihpuia Hrahsel : point hmuh 15, point hloh 7

Thangzika Pautu : point hmuh 10, point hloh 3

Lalramhluna : point hmuh 11, point hloh 8

Lalchungnunga : point hmuh 5, point hloh 6

FIXTURE

May 17, zirtawpni 8:00pm :

THUTAK NUNPUITU TEAM V HLIMEN (mipa)

POINT TABLE

TUICHANGRAL : Play 4, Won 3, Loss 1, Point 10

HUNTHAR : Play 3, Won 3, Loss 0, Point 9

TNT :  Play 4, Won 2, Loss 2, Point 6

DURTLANG NORTH: Play 4, Won 2, Loss 2, Point 5

CHHINGA VENG SPIKERS : Play 4, Won 1, Loss 3, Point 3

HLIMEN :  Play 3, Won 0, Loss 3, Point 0