Mizoram Olympic Association meeting neih a ni

Mizoram Olympic Association Executive Committee chu Ni 16.5.2024 khan Ajal Club-ah hmalakna tur hrang hrang te sawiin an thukhawm a. 

MOA Meeting chuan tun hnaia zawh tak North East Games vawi 3na Nagaland a zawh tak thlirletna neiin result duhthusam ni lo mahse kan thlen chin kum dang aiin hmasawnna kan hmu a, result tha a niin tiin 2025 North East Games Tripura atan kan chaklohna te insiam that nan hman nise a ti. Sports disicipline hrang hrangte pawh result tha zawk kan nei theihna turin tan lak nise an ti bawk.

Tin, Kumin kum tawp lama buatsaih tur 37th National Games Uttarakhan-a neih turah MOA chuan player tam thei ang ber a tirh theih ngei tha a ti a. Hemi atan hian affiliated Association tinte hnenah an mahni discipline theuha National Games an qualify theih tura tan la turin hmalakpui nise a ti bawk.

MOA chuan kumtina urhsun taka a lawm thin, Olympic Day- June ni 23 chu urhsun hle ropui taka lawm tha a ti bawk a. Indian Olympic Association in a duh dan angin Olympic Day run buatsaih leh an tum a. Hei bakah hian programme hrang hrangte DAY pual hian buatsaih an tum a. Ruahmanna lo siam turin Senior Vice President Pu F.Lalnienga kaihhruainain Olympic Day Celebration Committee din a ni.

Meeting hi MOA president Pu Robert Romawia Royte in a kaihruai a, Secretary General Pu V.Lalzawmliana hmalakna report pein OB bakah Member an kokim hle a ni.